أبـــسألـــك...!

[محمد المجول]

السلام عليكم ورحمة الله وبركاته

إخواني أعضاء وإدارة منتدى مجالس العجمان أعتذر عن غيابي الطويل

وأقدم لكم هذه المتواضعه أملاً أن تشفع لي عندكم وأن تحوز على رضاكم

أبسألك...ياللي تقول إنك على كلي تمون=ياللي ملكت القلب (وقفوله معاك)..أبسألك؟
ليه الفراق..أمر وأقسى ..من مضاريب الطعون..=حال/ن سقيم..وضيق..وآهات..وتعب..(مايمهلك)
لكن سؤالي يالغلا...من رحت(مدري من تكون)=البارحه فارقتني ..!واليوم..(ناسي مجملك)
لاتعتذر..دام الخيانه طبع...والكذبات عون=طفيت شمعك في يدك ...والقلب عيا يشعلك.
إيه أعشقك..(كنت أعشقك )..وأهواك لي حد الجنون=ياأخرك..كذب..وخداع..وجرح..(بيّن أولك)
كثّرت حسادك..(من أشعار الغلا)..وإلاأنت دون..!=بينت لي ماأصعبك...وأثرك لغيري مسهلك.
سلمتلك في كفك اليمنى...(وفا قلب/ن حنون)=وأهديتلك في كفك اليسرى...(غرام/ن يذهلك)
وأسقيتني..(مر الخيانه والجفا)..من كل لون..!=وأنا أحسبني قد..(ملكتك حب)..(وأنْسيتك هلك)
شفتك تخون..وتفتخر..!عادي ..(ترا أقدر أخون)=بس الفوارق بيننا..مثل..(الرعيه)..(والملك)
راح أصدقك..جا أكذبك ..وإلا أنت..(مدري من تكون)=البارحه..كنك معي..!(واليوم كلي أجهلك)

[الخليفه]

أبو عبيد أستاذ في الشعر

بارك الله فيك ووفقك الله

[الغروب]

الشاعر

محمد المجول

حضور وعودتك مرة اخرى يسعد مجالس العجمان

وتسلم عالقصيدة الرائعة

كل التقدير

[خلاوي الشمالي]

بوعبييد ابداااع

جعلك دوم تبدعنا فقصايدك الروووعه

تقبل مروووري

[مسفر مبارك]

صح لسانك أخي الكريم ....**
:
جزله من رجالاً جزل .....**
:
تسلم يمينك ودمت بـ هذا الرقـي ...**
:

[محمد المجول]

الخليفه

يامرحبا والله ومسهلا

الله لايهينك على الكلام الطيب

اللي أخجلتني فيه ولاعلى مرورك الكريم

اللي زادني شرف

تقبل تحياتي

لاهنت

[غـــزالة نجـــد]

الشاعر محمد

صح لسانك على القصيد ...رائعه


دمت بحـــب

غـــــــــزاله

[عبداللطيف أبوظهير العنزي]

محمـــد المجـــــــول ...صــــح لســـــانك ليـــــن تـــــرضى يالقـــــــرم ...

قصيــــــدة لا يجيـــــدهـــا الا عمـــالقة الشعــــــر ... راقيــه ومميــــــزه ...

تقبـــــل مــــروري .. وخــــــالص التقديــــــــر ...

[محمد المجول]

المشاركة الأصلية كتبت بواسطة الغروب

الشاعر

محمد المجول

حضور وعودتك مرة اخرى يسعد مجالس العجمان

وتسلم عالقصيدة الرائعة

كل التقدير

الغروب

الله يطول عمرج

ويسلمج وألف شكر على المرور الكريم

اللي زادني شرف

تقبلي تحياتي

[محمد المجول]

المشاركة الأصلية كتبت بواسطة @الشمالي@

بوعبييد ابداااع

جعلك دوم تبدعنا فقصايدك الروووعه

تقبل مروووري

يامرحبا ومسهلا بك

يالشمالي

الإبداع ماله طعم إن كان ردك مومن بين الردود

الله يطول عمرك

ويسلمك والله لايهينك على الكلام الطيب

والمرور الكريم

تقبل تحياتي