بسم الله الرحمن الرحيم
هذه القصيدة موجة من المرحوم-بأذن الله- علي ابن عويضة كوير إلى راشد ابن الذيب العجمي -رحمة الله- بعد حرب الوديعة بين الجنوب والسعودية 1969
القصيدة
يالله يا سامع جميع الطلابي =يا خالق الدنياء على بضعة انواع
تغفر ذنوبي ما مضاء من شبابي=وما تبقى ذالك له رب شفاع
جباك يا حطروم زين الكتابي=ولا تحير وانت داري بالسناع
واركب على عرماس والظهر نابي=تعطيك في الجوان سيرة ترنداع
معها من العيرات مثل الهضابي=ورقابهن تحت المشاعيب هضاع
ما مثل ما يقطع سنود العدابي=ونيت هياف وللبعد قطاع
واقبل على اللي يمنعون الركابي=اهل المعارك خصمهم في تكلواع
مدة على راشد وجمع الطيابي=اخوان العجمان يا كل شعشاع
وقل سلامي عد وبل السحابي=او ما يجرون القلم كل شراع
وارحب على كرمات شحم الثرابي=فوق الصحون اللي كبيرات ووساع
يا راشد ابن الذيب يا حيد نابي=ما ينطلع للي يبون التجزاع
جاء نا خبركم في بعيد المرابي=خلف الوديعة في شرورى وللقلاع
جبه عدن تمسي عليكم تحابي=وانتوا تلاقوهم بشينات لوجاع
جيش السعودي مثل نعث الترابي=كثير والجبه كما سيل ينداع
واداخلوا مثل السهوم الذيابي=وفي الوديعة جاك شاري وبياع
ذولا وذولا رسم واحد شبابي=كانهم صقور للملاويح هكاع
سووا مصلى في الوديعة ونابي=وكل ذولا فية سجد وركاع
والطير شابع والقشة والغرابي=والضبع شبعت من جلالين لضلاع
هذا غداء منهم وهذا مصابي=واللي سلم جاء نا ولا هو بمرتاع
غنن لهم يا زاهيات الثيابي=يا مزينات اعمارهن باتمرياع
ما قلت فيكم يا طوال الشنابي=تستاهلون المدح من طيب لوقاع
الحن مشافيقً وحنا حبابي=لشوفكم والبعد كلاس ما طاع
وليا نوينا البعد ما الحن لرابي=لقطع مسافتها ولدري بلسناع
واميرنا في الجود ما هو بغابي=راكان ابن حثلين يا نجم فقاع
والحن على مذكر قرومً صلابي=واحلالنا بيحان في شرقي القاع
وانتوا شمال وعزنا والحجابي=وانتوا سندنا عند قلاب لنواع
ما تفعل السلة بغير النصابي=والسيل ما يسقي فلا ما لة افراع
والرجل ما يحرب ولا له صحابي=والحصن ما يبنى فلا ما لة ارباع
سلامكم مني ومن في جنابي=رجال بلحارث عما كل طماع
والله يفتح للعرب كل بابي=واذكر محمد كل ما الصبح قد شاع