وين الطريق اللي يوديني

[مسفر بن درّام]

توارنّ الكواكب في شعاع الشمس عن مسراي=وأنا يوم استقرّت ما استقرّ النوم فـي عينـي
سراميد الطـواري تيهتنـي بيـن راي وراي=الا يا حيرتي ويـن الطريـق اللـي يودّينـي
أثبط لوعتـي وأبـلّ بلسانـي جفـاف شفـاي=وقلبي طار منّه سرب عشر وسرب عشرينـي
على ذاك الخيال اللي خذاني فوق عن دنيـاي=رحل بي للفضا اللي لا حـدود ولا عناوينـي
حبيبي يوم ناداني غرامك جيتك مـن اقصـاي=يميح بخافقي صلف الهـوا والشـوق يدعينـي
أنا من قبل اعرفك كان لي قلبً علامة (فـاي)=وأتى حبّك ومثّـل نسبـة التسعـة وتسعينـي
تعديت الخطوط الحمر فيني واستبحت حمـاي=لكن ارحم رحمك اللي وهبك الملح والزينـي
أحسب إني إلى ابعد صادري عن واردي نسّاي=إيلين اوحيت حنّـة خافقـي تعبـر شرايينـي
لو إن مجنون ليلى جاه ما جاني على ليـلاي=لى يمكن عاد للعقل وخلفتـه فـي المجانينـي
أغادر مرقدي ودموع عينـي يسبقـنّ خطـاي=ولا القى في طريقي واحـدً يمكـن يواسينـي
دخيل عيونك الثنتين لا تفـرح علـيّ عـداي=على رجواك وألا وش بقا لي وش بقا فينـي
سألتك بالذي فيك افتتـن قلبـي وحـطّ منـاي=وحطّك في مكان الهيمنـة والعطـف واللينـي
أنا وشلون اقاوم قسوتك وأنـا اعتبـرك دواي=أنا سلمتك امري وانت حـطّ الجيـم للسينـي
رفعت الراية البيضا تعـال إحتلنـي برضـاي=وصكّ الباب بعدك يستقرّ النـوم فـي عينـي
يكفّيني فخر وإعجاب فيك إنّك علـى مبـداي=مثل ما اقـراك تقرانـي وتستثمـر بساتينـي

[سعد بن بصيص ال فنيس]

الله الله

:
:

صح السانك

:
:

والله لايهينك

:
:

وتقبل مروووري

[ناثرة الورد]

يعطيك االف عاافيه وصح لسانك ....

تقبل ::
مررررروررري ....

[محمد نادر سويد]

الاخ الغالي

مسفر000

لاهنت على ابداعك

وصح الله لسانك

ودمت ودام عطائك000


أخوك

[سعود الخويطري]

إن مجنون ليلى جاه ما جاني على ليـلاي = لى يمكن عاد للعقل وخلفتـه فـي المجانينـي
أغادر مرقدي ودموع عيني يسبقـنّ خطـاي = ولا القى في طريقي واحـدً يمكـن يواسينـي
دخيل عيونك الثنتين لا تفـرح علـيّ عـداي = على رجواك وألا وش بقا لي وش بقـا فينـي


الله الله الله




صح الله لسـانك و لاهــنـت مليـــار




قـاف و وأبـداع متميز مثل حضورك المتميز يـ مسفر




و تقبل سـلامي و أشـواقي