ياشعر وانت الوسيله والهدف راس مال $ قل لليتيمه ليا واجهتها قلها

[محمد الغيثاني]

السلام عليكم
اتمنى ان تنال اعجابكم

ياصاحبي حطني بين الرموش الطوال = هذي هي الرغبه اللي ودي آصلها
ابي عيونك تنسيني هموم الليال = اعيش مع غيرها واسج في ظلها
انا حظوطي حدتني يالقراح الزلال = لا ارد عدودك ولا اجيها ولا اعلها
مامعك حيله وانا مافي يدّي احتيال = حسبي عليها وحسبي لي وتب ٍ لها
الله من كلمة في خاطري ماتقال = واخاف ما اقولها واموت من غلها
والوقت مثل الرشا والبعد مثل المحال = والشوق يطوي حنايا الروح ويفلها
ياشعر وانت الوسيله والهدف راس مال = قل لليتيمه ليا واجهتها قلها
اذل شي على الدنيا دموع الرجال = وانا عيوني تراودني على خلها
كم لي وانا اسامر القمرى واخيل الهلال = وارعى نجوم السما واعدها كلها
صابر وراضي على جور الحمول الثقال = من دقها لين اصب العمر في جلها
بعدك ذبحني وهمك مثل دم الغزال = ياصبر عيني على بعدك وياملها
يا كثر ما اذن وكبّر فالحنايا بلال = على هجوس ٍ تمر الصدر في حلها
تحن حن الرعد في مدلهم الخيال = وتضم حدب الضلوع العوج واتلها
واغيب معها وكني في طوال الجبال = في عزلة ٍ ترفع العشاق وتذلها
والناس لو تونس الحره على كل حال = ماكان تجرد سيوف اللوم وتسلها
وانا ولو ان مالي في حياتك مجال = اعيش ذكرى دروب العشق وادلها
لو تكثر الناس شرهتها يمين وشمال = مردها تشرب الشرهات وتبلها
لازال حبك على قلبي جيوش احتلال = العقل راضي بها والروح تذعن لها
وامانتك حطني بين الرموش الطوال = هذي هي الرغبه اللي ودي آصلها
واللي يعقد الحبال يحل روس الحبال = ماغيره اللي ليا من عقدت يحلها

الشاعر عناد النفيعي

[خالد وبس]

سلمت يا ذوق
قصيده روعه وعذبه
صح الله السان شاعر وتسلم يا ناقلها





تحياتي لك

[الغروب]

الاخ / محمــــد الغيثاني

قصيــــــدة رائعه من شاعرمميز وصح لسانه

شكري وتقديري للناقل

[الفرس]

كم لي وانا اسامر القمرى واخيل الهلال=وارعى نجـوم السمـا واعدهـا كلهـا
صابر وراضي على جور الحمول الثقال=من دقها لين اصب العمـر فـي جلهـا

صابر وراضي ..

واغيب معها وكني في طـوال الجبـال=فـي عزلـة ٍ ترفـع العشـاق وتذلهـا
والناس لو تونس الحره على كل حـال=ماكان تجـرد سيـوف اللـوم وتسلهـا

قمة ..

الغيثاني .. غير مستغرب منك الاختيار ...

ابحرت معها .. بجد قمة ..

[محمد الغيثاني]

كم اسعدني انها نالت استحسانكم

لا خلا ولا عدم من مروركم العطر الجميل على القلوب

[الشيخه]

ياشعر وانت الوسيله والهدف راس مال = قـل لليتيمـه ليـا واجهتـهـا قلـهـا
اذل شي على الدنيـا دمـوع الرجـال = وانا عيونـي تراودنـي علـى خلهـا
كم لي وانا اسامر القمرى واخيل الهلال = وارعى نجـوم السمـا واعدهـا كلهـا
صابر وراضي على جور الحمول الثقال = من دقها لين اصب العمـر فـي جلهـا
بعدك ذبحني وهمـك مثـل دم الغـزال = ياصبر عينـي علـى بعـدك وياملهـا
يا كثر ما اذن وكبّـر فالحنايـا بـلال = على هجوس ٍ تمر الصدر فـي حلهـا
تحن حن الرعد فـي مدلهـم الخيـال = وتضم حدب الضلـوع العـوج واتلهـا
واغيب معها وكني في طـوال الجبـال = فـي عزلـة ٍ ترفـع العشـاق وتذلهـا
والناس لو تونس الحره على كل حـال =ماكان تجـرد سيـوف اللـوم وتسلهـا
وانا ولو ان مالي فـي حياتـك مجـال =اعيش ذكـرى دروب العشـق وادلهـا
لو تكثر الناس شرهتها يميـن وشمـال = مردهـا تشـرب الشرهـات وتبلـهـا
لازال حبك على قلبي جيوش احتـلال = العقل راضي بها والروح تذعـن لهـا
وامانتك حطني بين الرمـوش الطـوال = هذي هي الرغبـه اللـي ودي آصلهـا
واللي يعقد الحبال يحـل روس الحبـال= ماغيره اللي ليـا مـن عقـدت يحلهـا

تسلم يمناك يامحمد على ذا النقل الرائع

تحياتى لك

[خلاوي الشمالي]

لاهنت يامحمد عالنقل الممتاااز

[×.. ريــّـانــــــہ ..×]

اللـــه يعطيك العاافيـــه على النقــل المميـــز ..,

ولاا هنـــت

[][ .. خــجــل .. ][]

الله من كلمـة فـي خاطـري ماتقـال
واخاف ما اقولها وامـوت مـن غلهـا

والوقت مثل الرشا والبعد مثل المحـال
والشوق يطوي حنايـا الـروح ويفلهـا


= = = = = = = = =

يعطيك الف عافيه يالغيثاني على النقل .. وصح لسان شاعرها ..
لا هنت ..

[الخزااامى]

اذل شي على الدنيـا دمـوع الرجـال
وانا عيونـي تراودنـي علـى خلهـا

بيييييييييييت يغني عن القصيده كلهااااااا//لاهنت وتسلم يمينك على نقل هالقصيده المؤثره //
وفعلا بعض النسوان مفارقها يذل الرجال ومب أي مرأه // يعني المرأه الذهبه //
اما غيرها محد يبكي عليهااااااا //والواقع حكى هالشئ وشفته بأم عيني لما أخوي فارق حرمته //
الله يجمع كل حبيبين متفارقين ولا يفرق بينهم //

وأنتي شكوووا والله طولتها //أعذرني اخوي بس تأثرت بالقصيده//

الله يحفظ لي زوجي وعيالي///