بنت البدو

[الفند اليزيدي]

ياويل حالي من هنوف ن لها طاب= قلب ن رهيف ن ماقوى يوم حبه
هنوف بدو اكنادها روس الاطناب= وفنجالها شهم ن بخولان صبه
لا هي بشقرا لا ولاهي بتنعاب= ماعيبها الى من شربها تعبه
بنت حشيمه من سليلات الانساب= يفدى ثراها من وطاه ولعبه
يبيع شاعها هله وكل الاحباب= ويشري مشاعر من قداها ومحبه
تمشي بتمايلها على عكف الاشناب= وكنهم سكارى ذعذعتهم مهبه
في مشية ن كنها شهد قرص ينساب= بين التبختر يركد وبين خبه
وياويل حالي من زريفات الاهداب =سود ن وطرف ن ناعس ن ماتنبه
كن رمشها جند ن حرس نون ترتاب= من شوفها رجال وتخبي المغبه
في خصر ن انحل من نحيلين الاقطاب =وفي نحر ن غطته الدرر واليلبه
من ثغرها البارق شفا كل معطاب= ذا مبسم ن حلو الرحيق انسكبه
اليا ابتسم ثغر وكشف حولنا الباب= لاحت ثناياها بمرو ن وشبه
وظفاير ن قدت بها قلب طراب= سودا كما ذيل امهر ن مالعبه
حاولت اغظ الطرف قادتني اسباب =واذا هواوي مالقا الحب طبه
يمكن صدقت ويمكن 2000كذاب= ماهمني مدح العذل والمسبه
(شاعر)وله قلب انطعن مره وتاب= حقي اهوجس به ليالي وذبه
والذيب مايذعر لو اتفطر الناب= والحب مايمدي وعشيقي يكبه

وسوالم