رائـعــة من روائــع (ابوجارالله)(( *** ( المسـأله !! ) *** ))

[ابونايف الوعيلي]

السلام عليكم ورحمة الله وبركاته

تفضلوا جديد محمد جارالله السهلي


الشاعر المبدع المتميز في طرحــه الراقـي باسلوبــه

احضّـرك و اتلـوا عليـك البسملـه= و الفاتحـه و الغاشـيـه و الزلـزلـه
و اعلّمـك وش الحديـث المنطقـي= من شان تعرف كـل شـي ٍ تجهلـه
خدمه .. بقدمها بـلا شـرط و ثمـن= يا صاحب آفـاق الخيـال الممحلـه
وماهيب من بـاب المـوّده و الغـلا= لكّن من بـاب احتـواء البلبلـه !!
كنت احسب ان سود الليالي ربّتـك= و اثرك على نفـس العلـوم الاولـه
موّسـوس و حالتـك حالـه مزريـه= الحلـم قدامـك و عاجـز تاصـلـه
على مدار العام مـن قـل الثقـه := بينك و بين الشـك و الريبـه صلـه
ذكائك المزعوم حاجـه مؤسفـه !!= تضحك علـى تفكيـرك و تستغفلـه
سويت نفسك فاهم الوضـع وذكـي= و كليتها يا بـو الشبـاب مفلفلـه !!
ما احد ٍ جبرك تضيع وسط المعمعه= و تستصعب الموقـف ولا تستسهلـه
القصد واضح و المعانـي واضحـه= لـــيه اتمادى فـي الحكـي وتؤّلـه ؟
طويق ثابت و الجبـل يبقـى جبـل= فلنعتبـر هــذا ســؤال و علله ؟!
و ان عوّدت نهج و قناعـات و فكـر= الاجوبه ترضـي غـرور الاسألـه
المرجله لا صارت هايـط و شعـر= مـا عـاد ابيهـا لعنبوهـا مرجلـه
و ان كانها مواقـف و قـول و فعـل= ما عندي الا : تـم و ابشـر و ازهلـه
خذ لك نصيحه كانت تسـام بجمـل= يا مسيلمه او بالاصح يـا عبهلـه !!
لا عاد تخطب في شبـاب المجتمـع = ريّح .. و خل الدين و النصـح لهلـه
ولا عاد تشهد زور فأرجـاء البلـد= و تبقى كذا مـن مرحلـه لا مرحلـه
حتى ابليس بيستحي مـن كذبتـك !!= من كبرها ما هيب من ضمن عملـه
و اليا بغيـت الجـد سجّـل ما يلـي= و استحملـه و استوعـبـه و اتقبـلـه
انـك تجـي كلـك و تستنقـد فئـه= على فعل و انت اول اللي يفعلـه !!
راجـع حساباتـك و فكّـر و اتعـض= و اضرب على نفسك جميع الامثلـه
ان كان ما انت بكلهـا مثَـل مثَـل= مـا والله اقـول الشعـر و استرسلـه
خلاصة الموضوع كله ( من - إلى )= بيت ٍ يوضح لك غموض المسألـه :
أنا .. لو اني مـا لعبـت بحسبتـك= ما كان يسبب لك قصيدي مشكلـه !!

صح لسان ابوجارالله





اخووكم ابونايف الوعيلي

[حـــوران]

أنا .. لو اني مـا لعبـت بحسبتـك == ما كان يسبب لك قصيدي مشكلـه !!


حلو حلو


صح لســانه ولســانك يابو نايف

ولاهنت على النقل

احترامي وتقديري

[خلاوي الشمالي]

لاهنت اخي ابو نايف والله روووعه بوجارالله

تقلبل مروووري

[ابونايف الوعيلي]

اررررررررررحب اخوووي حــوران وشاكر لك مروووك يالغالي






ابونايف الوعيلي

[ابونايف الوعيلي]

هلا ومرحبا اخووي الشمالي ولاهنت على المرور نفــــداكـ




ابونايف الوعيلي

[الغروب]

الاخ / ابو نايف الوعيلي

لك الشكر على ما قدمت وصح لسان شاعرها

[الشيخه]

الاخ / ابو نايف الوعيلي

لك الشكر على ما قدمت وصح لسان شاعرها

[عبدالعزيز ال زريق]

لاهنت اخوي بونايف والله لا يحرمنا منك ولا من جديدك

[ابونايف الوعيلي]

لاهنتي اختي الغروووب على المرور يعطيش الف عافيـــة

[ابونايف الوعيلي]

الشيخه مرحبا بش وحياش الله ولاهنتي على المرور