علّم وقلّ : للحاضرين يعلّمون الغايبين..إن الأمم أخلاق تبقى مابقت أخلاقها ,,لابو منصور

[مسعطر]

السلام عليكم و رحمة الله و بركاته ..
مساء /صباح الخير ..
عودة مع إبداعات ابو منصور ..
ضيدان بن قضعان ..

يا رشيد قل للشاعر اللي كان مين و صار مين=اللي بدا يعرف بعيرتها و يعرف ناقـــها

بعيرتها و ناقها ..

بقلم ابو منصور ,,

أترككم معها أمال إن تعجبكم ...

سبحانك الله لا اله ألا أنت يا أكرم الأكرمين =يا عالم أحوال الأوادم يا كفيل أرزاقها
أستغفرك يا رب وأسجد لك سجود الخاشعين =سجود عبد دمعته من خشية الله راقـــها
و في جلسته من سجدته صلى على طه الأمين =و أهل المبادي حبها و أيمانها بأعماقها
و على رسول الله خاتم الأنبياء المرسلين =أفضل سلامي ما بدت شمس الضحى باشراقها
و البارحة يا رشيد وين النوم وين النوم وين =و سمر السحايب في سماها ما فصل براقها
يا رشيد قل للطيبين المؤمنين الغافلين =الأيام فالدنيا شوي و يتكمل غلاقـــــها
و أصحاب الأمس اللي نسونا الغايبين الحاضرين =علمهم إني ما لتفت لغصنها واوراقــها
علّم و قل : للحاضرين يعلمون الغايبين =إن الأمم أخلاق تبقى ما بقت أخلاقــــها
والله لولا الله ثم حشمت وجيه الطيبين =اللي على الشدات ترخي للحمول اشناقــها
لعلم الغاوين كيف ألعب على إبليس اللعين =لاكني أكبر من جلال علومهم و إدقاقــــها
و إن سادت الفوضى المدينه في عيون الحاسدين= هديت لعبي و المدينة عامره باسواقـــها
يا رشيد قل للشاعر اللي كان مين و صار مين=اللي بدا يعرف بعيرتها و يعرف ناقـــها
لو يجتمع شعر الفرزدق مع ادب طه حسين =ما ترتفع روس تلفتها سبب دناقـــها
و قل : لليتيم اللي يطالبنا على غزوة حنين =اللي يحسب أن كل غفوه لا غفاها فاقـــها
لا يحسب انا لا تجاهلنا الجهاله جاهلين =الجهل جرين في نحاء الدنيا لشلة ساقـــها
و اللي جهل لابد يتعلم على مر السنين =ولا يميز طعمها يا رشيد من لا ذاقــــــــها
و أنا ترى يا خيك ما عندي يسار و لا يمين =و أن كذبة علقتها يا رشيد في معلاقـــــــها
عرفان معروف أعترف وسيد العارفين =ما فيه داعي أفتح الشاشه و اعيد أغلاقــــها
يا رشيد انا عذري مثل تكرم مدينه لجل عين =ولفت انتباه الناس عندي غير لف اعناقـــها
و ذكر الحيا و الطيبين يبين و اللي ما يبين =ما لا حدث او صار في الدنيا على أطلاقــــها
و إسلم و سلم و السلامه يا عشير الغانمين =والله يخلي للبلاد إحجابها و رواقـــــــــها

ملطوشة من النداوي ,,

و سلامة ألوبكم ..

دمتم بحفظ الرحمن ..

[الغروب]

مسعطر .......تسلم على نقل هذه الابداعات

وصح لســــــــان شاعرها ...

[مهرة النسيان]

لو تفكنا من حركاتك المسعطريه يكون ابرك


صح لسان ابو منصور ..

ولا هنت على اللطش المعتبر ..

[شيخة الغلا]

لاهنت أخوي مسعطر عاللطشه إللي تسوى ..

وصح لسان أمبراطور الشعر النبطي أبو منصور

قصيده في قمه الروووووعه

دمت بخير

[مسعطر]

حياش الله اختي لولين ,,
و شكراً على مرورش ..
يا مررحبا ..

[مسعطر]

حياش الله اختي مهرة ...
ولا به فكه من الحركات المسعطرية
شكراً على مرورش يا مررحبا ..

[مسعطر]

حياش الله اختي شيخة الغلا ..
و شكراً على مرورش ..
يا مرررحبا ..