قصيد موثره الأم في دار العجزة ..

[vip-534]

قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي



اترككم مع القصيده
"

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا






(حسبي الله ونعم الوكيــــــــــــــل)
الله يكون بعونها آميــــــــــــــــن

[جابر بن جلاب]

Vip_534
قصيده مؤثره جدا واللهم اجعلنا من الواصلين في والدينا حتى يصلوا فينا سجل اعجابي ومتابعتي .
حفظك الله .

[الشيخه]

الله ياخذ روحه من ولد


لاهنت على النقل

تقبل منى خالص التحيه


الشـــــــيـــــخه

[الفرس]

نسال الله العافيه ..

ونسال الله ان يهديه ويقر عينها برضاه عليها وبقربه منها ..

لاهنت وتسلم يمينك ..

[مسعطر]

أعوذ بالله اعوذ بالله .. حسبنا ونعم الوكيل ..

و إليا مرضت اسهر بقربك واداريك=ما ذوق طعم النوم صبـح و مسايـا
ياما عطيتك من حنانـي وبعطيـك=تكبـر وتكبـر بالأمـل يـا منايـا
لكن خساره بعتني اليـوم وشفيـك=و أخلصت للزوجه وانا لي شقايـا

وينه من اللي يقول :

يا عم درب أهل الردى ما مشيناه=لا والذي فوق المخاليق عالي
رب العباد الي عبيده ترجاه=اللي لغيره ما يجوز السوالي
البر بالوالد لك الله حفضناه=حق يعرفونه جميع الرجالي
(( أمي لها حق علي ولاانساه=ياما سهرت في مظلمات الليالي ))
و الوالد الي عزّني كيف آبجزاه=[ أفديه أنا بروحي و حالي و مالي ]
يا عم رزق العبد بيدين مولاه=و العمر يقفاه الفنا و الزوالي

هذا القصيدة لها قصة طويلة و انا كنت ناسيها .. و لقيتها
و نقلتها و الشطر اللي بين ذا العلامات [ ] ما اذكرها زين
بس الباقي مثل ما سمعته من شريط منقول من كتاب الكاتب
منديل الفهيد الأسعدي العتيبي رحمه الله ..

إختصار للقصة : تزوج صاحب القصيدة من بنت
و فضّل أمه على البنت لأنها مرة تركت امه تشتغل بدالها
و طلق البنت و رجعها ابو البنت و قال لها يا بنتي هذاهو الرجال
اللي تستاهلينه و خليش طيبه معه لأنه رجال طيب و بار بوالديه ..
و رجعت البنت له

عموماً شكراً اخي vip-534 هلى القصيدة المحزنة ..
تقبل مروري ..

أخيك ..

[محمد الغيثاني]

الوكاد انك تبارك على حمدان يوم انك دعيت له بالهدايه ولا كان دعينا عليه ....

بس ابشرك ما راح يسلم اذا ما راضى امه وتراه بيشوف من عياله ما شافت امه منه وهذا من حكمة العزيز الجبار


لاهنت يا مسعطر الله يرضي والديك عليك ان شاء الله ويبارك لك ومنك

[vip-534]

شكراااااااا المروركم رائع