مات الحكيم واندفن بقبوره

[عبدالرحمن الجبابرة]

جديدة تناشد صفاء التذوق ونقاء قلبوكم ..
هي قصيدة عادية جدا حاولت فيها استخدام فكرة سرد ( الحكاية ) من التراث , وهي تتحدث عن الأمانة , واستخدام الحكمة , ولا يمكن أن نسميها سرد قصصي , وأتمنى بأن تحوز على رضاكم واستحسانكم ..

يامرحبا ترحيبة ٍ مجهوره = ترحيبة القريب لاغلى اقرابي
ماهي مجامل اوغلا بالصوره = ولا بودّ من يجيك محابي
حتى ولو يقال ذا المغروره = ما اصدقه وانا ابخص بأحبابي
والحكمه اللي بالفكر مجذوره = هذا نقاي في جراب عتابي
تفكـّري ونعتبرها اسطوره = يقال : قيل كان فيه اعرابي
وكان شيخ ٍجالس بمقصوره = وله ولد وكان به مرتابي
وبجعبته وصيته مصروره = وجاه أخوه وقال هذا كتابي
لجت وفاتي واصبحت مشهوره = فخذ سيوفي واستلمها حرابي
وذا الصبي فطن فعطه الشوره = وسلمه أمانته واركابي
مات الحكيم واندفن بقبوره = وأخوه صار حاكم ٍ إيجابي
عقب سنين جا الصبي بالصوره = وقال : أبي أمانتي واتعابي
قال : انشدك عن سالفه مضموره = لوجاك خصم و قال : ابي مطلابي
خصمي حقير وذمته محقوره = وأنا كريم وحاكم ٍ مشعابي
قال : أعطي الحقير يرضى غروره = ولاّ الكريم الاجودي يرضى بي
والثانية خصمين فيهم عوره = قال : استتر وياخذون ثيابي
واثنين كل احوالهم مستوره = قال : اجتماعهم وريح اطيابي
وقام عمه واستوى بحضوره = وقال خذ وصيتك واعجابي
هذي سوالف البدو ميسوره = مالي ومال المستتر والغابي
هذي علومي جات لك ممهوره = بخاتم الوفا مهي بحرابي
وأنتِ كريمة بالكرم منصوره = عطيتهم من حقك اللي رابي
مابيك يوم بالندم مقهوره = من الردي والحاقد الكذابي
هذي وداعة باللحن مجروره = غنيتها وانا على مشهابي
عساك دوم بالهنا مسروره = ولا فانا هذاك هو مرقابي
بذب في العلالي المخبوره = واجري على اللي عنده امرحسابي

[عبدالهادي ال كحله]

حجز أو ل ولي شرفه

[عبدالرحمن الجبابرة]

الشاعر القدير / عبدالهادي آل كحله
الله يرفع قدرك يالغالي بطاعة الرحمن
حضورك وتوقيعك شرف لي
لاعدمناك