وحش وملاك!!

[سعيد الدحابيب]

السلام عليكم ورحمة الله وبركاته


اعزائي الاخوة والاخوات يسرني ان تستمتعون بهذي القصيده
واتمنى ان تنال على اعجابكم

اشهد ان الحب ذلّـك ياسعيـد=ليه تخطي ليه تعطي من جفاك
فارق اللي ماتبي حبـك بعيـد=حطمت قلبك وقالـت مانبـاك
قالـت انـك لاتلقـف ياعنيـد=روح دور من تحبـك وتهـواك
كلها غلطه وياهل مـن مزيـد=تعشق اجروحك ولاتبغي رضاك
الله اللـي خابـرً والله شهيـد=كـل ماقلتـه وتكـذب لعنبـاك
ماتخاف الله من كـذب ً وكِيـد=باخديعه احسب اني لـك دواك
كنت احسبك بهوى طبعك فريد=مادريت ان الهوى كله هـلاك
جعل يسقى كل ماجـد الجديـد=وابدتى يومي ويوم اللي دهـاك
داهيه فالحب كنـك لـي وديـد=لاكن انتي وحش والهيئه مـلاك
واتفاخر تحسب ان قلبي شديـد=مالكه قلبي وابعـد مـن مـداك
جعلها اللي دايـمٍ قلبـه حديـد=ماعرف درب المحبه و يهواك
ويتلاعب في المشاعر بالجليـد=بارد اعصابه وزود لك عمـاك
ياجماعه وين من رايـه سديـد=خبروني عن حبيـبً ماشنـاك
والنصيحه بابتعد دامـك تجيـد=لعبت اللي يلعبون عطني وهاك
والمصالح ترتجي من له رصيد=روح فارق ابتعد واللي يهـداك
لاكن الله غافـرً ذنـب العبيـد=حسبي الله دعوتي دايـم وراك
دعوة المظلوم يـا ربً مجيـد=لين تاتي وتعتذرلي من خطـاك

وسلامتكم

[الفرس]

كنت احسبك بهوى طبعك فريد ..............مادريت ان الهوى كله هلاك


الله على الكلمات الرائعه

بس ياليت تشيل النظره السودا

الدنيا حلوه وناسها كل يوم تلقى وجه جديد وتاكد اذا انت كما انت بتلقى من يكون لك وبميزات تختارها بس احسن النظره مع احسان الظن

لاهنــــت اخوي سعيد الدحابيب

[سعود الخويطري]

سعيد الدحابيب



صح الله لسانك ولاهنت




وسلمت وسلمت يمناك يالجزل




تقبل سلامي واشواقي

[مهرة النسيان]

صح لسانك يارب

سعيد الف شكر على هذه القصيده الجميله ..

بانتظار القادم ..

[اميرة الرووح]

صح لساااااااااااااااااااانك اخوي

[سعيد الدحابيب]

الفرس
الشعراء يقولون ملا يفعلون
والحمدلله الدنيا مازالت بخير
وهذي فكره وحبيت اجسد نفسي فيها
واحب اعطيش خبر اني ولله الحمد
اشوف الدنيا خضراء
ودربك خضر
لاهنتي على المرور وتقبلي تحياتي

[سعيد الدحابيب]

المشاركة الأصلية كتبت بواسطة سعود الخويطري

سعيد الدحابيب



صح الله لسانك ولاهنت




وسلمت وسلمت يمناك يالجزل




تقبل سلامي واشواقي

مرحبا مليون ولا يكفون
وصح بدنك يالغالي
يسرني ويسعدني مرورك الكريم

[سعيد الدحابيب]

مهرة النسيان

لاهنتي على المرور
وانتظروا جديدي ان شالله
تقبلي تحياتي

[سعيد الدحابيب]

اميرة الروح يسرني
مرورك المتواضع
ودمتي بود

[عـسـاه خـيـر]

صح السانك اخوي سعيد على القصيده الرائعه ,,