قصيدتين بين الشاعرين الكبيرين ابن بلال آل فطيح وابن عابس الرشيدي

[سهيل..؟؟]

صيدتين من اجمل القصائد .. حبيت انقلها لكم عسى تستمتعون بقرائتها..
.
.



صوت وصدى للشاعرين سعدان بن عابس الرشيدي وعلي بن بلال شاعر يام وهما معروفين
بالساحة فقط اقروهما بتاني




يالله يالله ياللـي مالنـا غـيـر انــت معـبـود ## سبحانك انـت العظيـم اللـي عليـك الاعتمـادي
يامالك امر الوجود الخلـق تفنـا وانـت موجـود ## باقـي وتعلـم خفايـا الكـون واسـرار العبـادي
يارب اسالك رضـاك ولامـدى حسنـاك محـدود ## اخشاك وارجيـك تهدينـي علـى درب الرشـادي
مومن وفيك استعيـن الـى لحقنـي هـم والهـود ## مـولاي رحمـاك يـاعـلام ماكـنـه فــوادي
قمـت اتفكـر واديـر الفكـر والتفكيـر مشـدود ## محتـار يزعجنـي الممشـا ويزعجنـي قـعـادي
مترددٍ كنـي ابحـث بالزمـن عـن شـي مفقـود ## مدري على أي اتجاه اسيـر وجروحـي جـدادي
استـدرج الفكـر ذعـذاع القصيـد وهبـة النـود ## نفـح المشاعربنـود الشعـر عطـر كــل وادي
خيل بفكري خيـال الشعـر كلـه بـرق ورعـود ## وانقـاد مـن هاجسـي منشـاه ياليـل الهجـادي
يتعبني الشعر واتعـب لـه ومثلـي عنـه منشـود ## في وقت قل اعتبار الشعـر مـن كثـر الـدوادي
في وسط سوق المزاد ونوب معنى النقص والزود ## كم سبب الهذر عسـر الهضـم حتـى بالـروادي
لين اصبح المـدح ذم ولااصبـح البـارود بـارود ## ومن لايعرف الفتيلـه ماعـرف ويـش الزنـادي
مدح الردي ضعف نفس ولاالردي بالطيب مشهـود ## وارض الصبخ من حرثها خسر حرثه مااستفـادي
هذا وانا لي هدف واضح ولـي هقـوه ومقصـود ## معنـي ومعنـاي رمـز العـز والعلـم الوكـادي
اعن جزل المدايـح فـي شجـاع ينطـح الكـود ## والمدح لـه منطـقٍ عـادي لكنـه غيـر عـادي
سـلام ياخصلـة العـز القديـم ومنبـر الـجـود ## وجـه المـروه وميـزان الادب راع الـشـدادي
ياراس من روس يام اللـي لهـم تاريـخ وعهـود ## تاريـخ كتبـت سطـوره بالـرمـاح وبالهـنـادي
وعهود ماخامرة للبـوق طـول البيـض والسـود ## الا ان فيها بياض الصـدق عـن سبـر السـوادي
ياعلي واسمك وسـام الشعـر معـروف ومعـدود ## ياحافظ له بيـاض الوحـه فـي بيـض المبـادي
تستاهل المدح يابـن بـلال لـك مثنـي ومـردود ## عليـك والشعـر لامنـي شديتـه فيـك شــادي
قلته وانا لـي شمـوخ وعـز ماغنيـت مضهـود ## وافخر بربعي سلايل عبس مـع حضـر وبـوادي
اليـا تفاخـرت فـي ربعـي نقـا مافيـه منقـود ## ومن لاحفظ منسبه هافـي وبـن غـادي وغـادي
الله يديمـك ياابـو سلطـان ماطيبـك بمجـحـود ## ورثِ ورثتـه تجـلا مثـل وجـه النـور بـادي
ماقلت بك غير فعلٍ منـك مثـل السيـف مجـرود ## وثيقـةٍ ختمهـا بالصـدق عـن بعـض التمـادي
والحمد باهل الوفا مثلـك ياابـو سلطـان محمـود ## وميدانك اكبر من اللـي فيـك صفتـه باجتهـادي
واقبل سلامي عدد ماهل ماهل وبل ومااخضر العو ## دسلام وافـي بريـح العـود مـن عنبـر وكـادي



سعدان عابس الرشيدي









ياالله ياالله ياللـي تقضـي الحاجـات وتجـود ## اسالـك المغفـرة والعـز والهـرج السـدادي
يامالك الملك ياذا الكون منـك العـون معهـود ## امنت بك لاالـه الا انـت حقـق لـي مـرادي
البارحه كنت ساهـر والمـلا هجـاع ورقـودصار ## السهر للعيون احلا والـذ مـن الرقـادي
يوم استهليت عشرين وخمس من اجمل الخـود ## يا مطيب الرابعه والخامسـه حسـب اعتقـادي
ما كنها الا مهار من بنـات حصـان صاهـود ## الا انها من رشيـد وعبـس والمجـد السنـادي
حورٍ مهرهن بصدري من زمان فـات ملحـود ## رص يد شعر كما كنـز الذهـب ببـلاد عـادي
للـي بعثهـا نبـي الله سليـمـان ابــن داؤد ## ساعة كشفها بمـا فيهـا دفـن ذيـك البـلادي
عساني اكسي جزيلات المعاني جـوخ وعقـود ## حيث انها من نديـم ينطـح الواجـب عمـادي
بيني وبينه كمـا قالـوا ثمـان سنيـن ياحمـود ## والله نشد عن معرفه يـوم والمعـروف قـادي
يامرحبا من هجوس شربهـا صافـي وقرهـود ## ياوافي من رجـال العـرف خطـلان الايـادي
الله يحييك يا سعـدان بـن عابـس راع الفـود ## ترحيب معناه للصاحـب حـزام الـى الثنـادي
حاضر بحاضر بدون محايلات ونصب ووعـود ## ابشر بعـزك ليـا حـدك مـن الايـام حـادي
انا ادري انك ولد لابـه لهـا عـادات وجـدود ## زيزومها عنتر العبسي علـى سـرج الجـوادي
لابتـك وسّامـة الكفـه لهـا تاريـخ وشهـود ## يشهد لها الحوض ووروده على عاشر وحـادي
وانا ادري ان كل صابر له امكانيـات وحـدود ## والصبر محمود لولا الصبر ما عرف المهـادي
وانا ادري ان اكثر الوافين حضه حض مقـرود ## في عصر جوع الكريم وشبعة الهيس الربـادي
ما قصد بها كل منهوفي غنـا وسهـود ومهـود ## بعض الرجاجيل من زود الغنـا بالطيـب زادي
وكلا من الناس من مجناه يبـداء منـه ويعـود ## لا بـدّل الله ثيـاب العـز بثيـاب الـزهـادي
افضّل الموت من حربه ومـن كيلـه وعبـرود ## ولا كما قيل تستسقـي البحـور مـن الثمـادي
وان شفت مسيود مصبح سيد وامسا السيد مسيود## احس بالغيض مهما هاضني صـوت المنـادي
وان شفت خلة عزيز القوم من حاسد ومحسـود ## ادعي على بعض ناس مالهـم كثـر الجـرادي
ياحيف ما كن مع بعض الرجال قلـوب وكبـود ## لا ينقصـون العـداد ولا يزيـدون الـعـدادي
والله جعل للقصائد والرجـال اسـرار وسـدود ## معك السعد يا مبشـر بالعشـا قبـل الهـدادي
راسك ويمناك ولسانك من اعلا راس مرجـود ## راسي وشامخ وزبن وفيه شـرب وفيـه زادي
هذاك مجناك يا منصا الضيوف جمـوع وبـدود ## تنصاك من كـل الاقطـار القريبـه والبعـادي
وهذي طراة الفتى قبل الكفـن والقبـر والـدود ##الله يمهلـك والا كـل زرع لــه حـصـادي
واسلم ودم في نهاية واجب واضـح وموكـود## ومتى على الله لنا ولكم يصيـر الجـو هـادي


علي بن بلال

[عاشق العليا]

صح اللسان الشاعرين

ومشكور على النقل الموفق

[مبارك الجوفان]

صح لسان الشاعرين
وتسلم يا اخوي سهيل على النقل

[بعيد المسرى]

مشكور ياسهيل على النقل
وصح لسان الشاعر/ سعدان الرشيدي. وصح لسان الشاعر / علي بن بلال.
أبيات جزيله في غاية الابداع ونعم المرسل ونعم المرسل إليه
أكرر شكري لك ياسهيل

[جلمود صخر]

صح السان ابن ابلال والشاعر عابس الرشيدي

[سهيل..؟؟]

مشكورين على المرووور.. والله لايهينكم .
.
.
............

[عـسـاه خـيـر]

صـح السان الـشـاعرين . عـلي بن بـلال اليامي و سعدان عابس الرشيدي

ولأهنت يا السنـافي على نقلهـا الطيب .

تقبل كل الـود

عســاه خيــر

[سعيّد ابوجعشه]

صح اللسان الشاعرين

ومشكور على النقل الموفق

تحياتي لك ،،

[الفرس]

يعطيك العافيه على القصايد الجزله

وشكرا على النقل

تحياتـــــــــــي

[محمد الشامري]

صح الله لسان ابن بلال والرشيدي

ياحيف ما كن مع بعض الرجال قلـوب وكبـود ## لا ينقصـون العـداد ولا يزيـدون الـعـدادي

الله الله


سهيل صحت يمناك على النقل ولاهنت يالسنافي