قصيدة .............؟؟؟؟

[راعيــة الذوووود]

السلام عليكم و رحمة الله و بركاته ,,,,

عجبتني هذه القصيدة و حبيت اني انقلها لكم ,,,,,

لكن انتي من جلستي وانتـي فينـي تحدقيـن=
كن ما به ناس غيري بهالكراسـي يجلسـون =
لو سمحتي عاد سمعي وحتى لو ما تسمحيـن=
المهـم اللـي بقولـه تسمعينـه ويسمعـون =
ع الأقل ليا نظرتك سـوي روحـك تستحيـن=
غضي طرفك مثل غيرك خوف ربعي يلمحون=
الركادة عاد زينة والحياء فـي البنـت زيـن=
وفيـك آزم لا ركـادة ولا حيـاءٍ يـذكـرون =
تعرفينـي أعرفـك؟ مذكـر إنـا ملتقيـن =
لا أعرفك من تكوني ولا تعرفي مـن أكـون=
وإطمأني أن كان قصدك بس فينـي تشبهيـن =
ما هـو أنـا إلتعرفيـه والبشـر يتشابهـون=
مـا دريتـي مالتشابـه يخلـق الله أربعيـن =
وأعرف أربع يشبهنك بـس والله يستحـون=
وإن كان قصدك شي ثاني عاد قولي وش تبين=
خايف إنا نصير فرجة وإلماشتروا يتفرجـون=
وإذا ع البال عاجبتنـي لا يحوشـك تحلميـن =
صج ربعي من جمالك فيـك صـار يمدحـون=
بس وش لي في حلاتك دام فيهـا ترخصيـن =
حشمة البنـت وحياهـا والكرامـة يلفتـون=
ولو توفر فيك هـذا مـع حلاتـك تبشريـن =
ما هو أنا ألف غيري بـاب بيتـك يطرقـون=
وش علامك رغم كل اللي أقولـه وتسكتيـن =
مو طبيعي هالسكوت وهالبـرود وهالسكـون=
إنتـي خرسـا أسألـك ولا مانـك تسمعيـن =
قالوا ربعي ذي كفيفـة قلـت لا لا تمزحـون=
لين شفتك يوم رحتـي يمسكونـك ماليديـن =
ما دريت إلا عيونـي أربـع أربـع ينزفـون=
آه ياني منه مشهـد يـوم شفتـك ترحليـن =
جيت اشوف عيون ربعي لقيت كل يدمعون =
قلت سنّـة هالحيـاة وحـن ترانـا مؤمنيـن=
الله اللـي مسيّرنّـا بيـن ك وبيـن نــون =
وكل أبونا نختلف مع إننا من أصل طيـن =
سبحان يلي مصورنا ولله في خلقـه شـؤون=
يعني حنا كل أبونـا عـاد إسمنـا بنادميـن =
وليا قضى ربك أمر وقـال لـه كـن فيكـون=
فينـا يلـي رازقنـه خيـر رب العالمـيـن =
وفينا يلي هو لعطفه بحاجة القلب الحنون=
وفينا يلي مـا شكـى مـن علـةٍ كالآخريـن=
صـمٌ وبكـمٌ وعمـيٌ فـهـم لا يفقـهـون =
بس قليل عـاد فينـا للنعـم هـم شاكريـن=
والله يرزق هالخلايق من حيث هم لا يعلمون=
وتدري عادك يالكفيفة حن تراى متشابهيـن=
وإن ما عمت أبصارنا لقلوب أهـم إليعتمـون =
يالكفيفة يالعفيفـة إن قلـت آسـف تقبليـن=
يغفر الله ذنوب عبده ليا خطا وهـل تغفـرون=

و اتمنى انها نالت اعجابكم ,,,,,,

[ஐالــكــايــدஐ]

الله لا يهينش يا الغاليه على النقل الرائع.........

والله قصيده مؤثره وجميله وفكرتها حلوه
وصح لسانك ولسان قايلها وفي انتظار جديدك.

[الحظ جـابكـ]

صح الله لسانش ولسان كاتبها ولسان قاريها

ولاهنتي

[عجميه الرس]

راعيه الذود


صح لساااانك يالغلا
ولاهنتي على هالقصيده الحلوووة :005:

[(عـ ـديـ ـل الـ ـروحـ ـ)]

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون


ابياااات رائعه لاهنتي اختي علي الاختياار

تحيااااتي

[راعيــة الذوووود]

الله يعطيكم العافيه اخواني : يامي و الدرب سامي
المان العرب
عجمية الرس
عديل الروح

على مروركم الطيب
لا هنتواااا ,,,,,,,,,

[الجوـوـوـوـري]

قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك ماليديـن
ما دريت إلا عيونـي أربـع أربـع ينزفـون
آه ياني منه مشهـد يـوم شفتـك ترحليـن
جيت اشوف عيون ربعي لقيت كـل يدمعـون
قلت سنّة هالحيـاة وحـن ترانـا مؤمنيـن
الله اللـي مسيّرنّـا بيـن ك وبيـن نــون




راعية الذود جميل اختيارك يالغااااااااااليه والله اني احنت عليهااااا
ولاهنتي فديت قلبج

[راعيــة الذوووود]

الجووووووري والله انش قديمه وينش ؟؟؟

و تسلمين على مرورش الطيب ,,,