رعاة وسلاطين

[عبدالعزيز الشامري]

للموت رهبة في عيون المصلين=واشلون باللي ماتذكر صلاته
ياتي على غفلة بلا موعد وحين=واكبر مثال اللي تعكز عصاته
يا شاغلٍ نفسك بعد الملايين=وش باتسوي عند موعد لقاته
يوم بكفن أبيض رباطك يا مسكين=والعمر قدر كيف تلحق شتاته
يالله كم نظلم ونقسى بلا لين=كل واحدٍ منا غدى عبد ذاته
نركض ورى الدنيا شراهه وناسين=يومٍ احدنا ينبعث من مماته
نوقف عراةٍ كل منا على دين=ناس اعبدت ربها وناسٍ عصاته
جنبٍ إلى جنبٍ رعاة وسلاطين=يومٍ شهد كلٍ على مجرياته
ما يشفع احساب وعمارة وبرجين=ما ينفع إلا قبل موته سواته
الله خلقنا بالغريزة مسمين=لكن نفسنا جنبتناهداته
يالله ما غيرك له تفيض هالعين=وانعدد اسمائه ونحصي صفاته
يالله تغفرلي وكل المسمين=اللي بقا واللي توسد حصاته
واخر دعائي ذكر سيد المسلمين=صلوا على اللي انتعلم صلاته
اعداد ناسٍ ظلم صاروا مساجين=واللي مشى دربه ونفذ وصاته

[سعود الخويطري]

يالله تغفرلـي وكـل المسمـيـن = اللي بقا واللـي توسـد حصاتـه
واخر دعائي ذكر سيد المسلميـن = صلوا على اللي انتعلـم صلاتـه
اعداد ناسٍ ظلم صاروا مساجيـن = واللي مشى دربه ونفـذ وصاتـه



اللهم امين يارب العالمين



صح الله لسانك يـ عبدالعزيز الشامري



قصيدة رائعه تمتلى بالحكمه والنصح والموعظه والابداع




سلمت يمينك وسلم فكرك , وبـ أنتظارك دائما



وتقبل سلامي واشواقي

[عـسـاه خـيـر]

يالله كم نظلم ونقسـى بـلا ... ليـن كل واحدٍ منا غـدى عبـد ذاتـه

عبدالعزيـز الشـامري بيض اللـه وجهك صح اللـه السانك

عســاه خيــر

[بندر العجمي]

الله الله

صح لسانك ولا هنت ..

قصيده جميله جدا ..

يعطيك الف عافيه ..

[عايض ال مطلق]

عبدالعزيز الشامري

صح لسانك

جزاك الله خير

وبيض الله وجهك على هالقصيده التذكره لمن غفل عن الصلاه

تقبل تحياتي وسلامي

[راشد العتل]

عبدالعزيز الشامري

صح لسانك على هالجزله

ودااام حضورك يالسنافي

تحياتي وتقديري