معاناة القصيدة

[hamadsh]

هذه أول مشاركة لي في هذه المنتديات الرائعة المميزة ... أملي أن تنال إعجابكم وتحوز على قبولكم :


معانـــاة القصيدة
كل شاعر يدري وش معنى معاناة القصيــدة
الشعر ما هو بلعبة وإلا في دربه دمــــار

الشعر نبض المعاني من مواردها الفريـــدة
يوم تتلاقى جملها كل كلمة في قــــرار

أقصد الجملة من الشاعر معانيها مفيـــدة
ويــــوم ينويها تتوه لف بالكلمة ودار

دورة الشاعر تراها . . دورة الماضي الجـديدة
كل يوم له هواية وكل ساعة له مســـار

يوم يحلم في السعادة .. يرتجي لحظة سعيـدة
ويوم تلقاه بسعادة وابتسامته الشعــــار

فرحته في قدوم ضيفة هي تعد أيام عيـــده
وحزنه بيوم يشوف أحدٍ قريب له بعـــار

قلبه الطيب تعذب سبة أشباح مريــــده
يقبلون بوجه صافي وداخل المضمون نـــار

ياما قابل ناس وافي والغدر ما أحدٍ يــريـده
بس ذا الدنيا غريبة كل شئٍ فيها صـــار

أبعدوا عنه الجماعة يوم قل المال بـيـــده
أبعدوا خلوه يشكي للكبار وللصغــــار

والله له حكمة وحنا في دبرته حنا عبيـــده
مالنا فيها يمين ومالنا فيــها يســــار

ونحمد الله لو على هم تجي هموم جديـــدة
نحـمد الله ما لنا في الرزق والنعمة خيـــار

يعطي ويمهل ويقبل للي يطلبه ويـــزيـده
من عرف ربي شكا له ما شكا لناس كثــار

من شكا للناس يلقى الذل في الدنيا رصيــده
لو عطوه بيوم جنة باقي الأيام نــــار




الشاعر حمد الشيحان

[عجميه الرس]

hamadsh

من شكا للناس يلقى الذل في الدنيا رصيــده
لو عطوه بيوم جنة باقي الأيام نــــار

صح لساااااااانك خيووووو



ونعم المشاااااااركة بصراحه رووووووووعة ما شاء الله عليك

تسلم يدينك يالغلا

[hamadsh]

أشكرك أخت عجمية الرس على المشاركة وصح بدنك

[عبدالله آل عامر]

لاهنت يابن شيحان وصح لسانك...... ومصافحة أولى رائعة من شاعر متألق

تحياتي لك؛؛؛؛؛؛؛؛؛؛؛؛؛؛؛؛

[hamadsh]

لاندمت ياخوي عبدالله وصح بدنك ،،، أشكر لك مرورك