الفرق بين البنت الناعمة والبنت الدفشة .. !!!!!

[فيصل أل هتلان]

--------------------------------------------------------------------------------

اليوم ابي اسولف علي البنات واخربط ههههههههههههههه تحملوني بنات كلها مزح وضحك

البنت الناعمة
طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم لكم شنو قالت لها الخدامة .. تقول قومى ما ما وقت واجد تأخير .. والناعمة اول ما تصحى من النوم تفتح الستارة والدريشه علشان الغرفة تتنفس وشغلت موسيقى رومانسية علشان يكون الجو رايق وتاخذ حمام محترم وبعد ما تطلع من الحمام على المراية تحط من هالكريمات والصبغ .. لازم تحافظ على البشرة .. خلصت من المراية وتتجة الان الى الاستشوار وبعدين تلبس البنطلون الجنز والبلوزة .. وتنزل تاكل الفطور اللى يكون عبارة عن دونت وعصير برتقال
البنت الدفاشة
تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى شبعتى نوم ترد الدفاشة على امها .. زين زين الحين بقعد وتقعد تأفففففففف ويطلع من فمها نار .. بالاضافة الى انها وهى نايمة كل دقيقة تطيح من على السرير .. وبعدين يدخل اخوها الصغير ويصرخ وجع يالله كفاية نوم .. ترد علية : اطلع من الغرفة والا ارميك من الدريشه الحين .. المهم اخوها اللى اكبر منها يروح لها الغرفة يرفسها وبعد تلك الرفسة العنيفة تصحى من النوم



البنت الناعمة
ما تتغدا الا الساعة 4 ولا 5 ولا تتغدى الا على عيش او بيض مسلوق وسلطة تحافظ على رشاقتها
البنت الدفاشة
تتغدا الساعة 12 بالضبط ولا تغدا الا كبسة ولحم او دجاج واذ خلصت تشرب البيبسى شربة واحدة يعنى ما فى مجال انها تتنفس .. وما تسمع الا اصوات مخيفة



البنت الناعمة
طلعتها تكون من بعد صلاة المغرب ما تطلع العصر تحافظ على البشرة من ضوء الشمس
البنت الدفاشة
تطلع الساعة 2 القايلة تروح مشى لبيت خوالها لحد ما تنقلب سمرة



البنت الناعمة
تروح ستار بكس او اى كافية وقبل لا تطلع تمر على الصالون تحط هذاك الميك الاب
البنت الدفاشة
تحط كحل يملا العين والروج تقول ما كلة انسان واذا بتروح تروح السوق ولا سوق الحراج



البنت الناعمة
اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها
البنت الدفاشة
ها ها ها ها .. والحاره الثانية تسمعها



البنت الناعمة
اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل توم كروز لوسامتة وميل جبسون وجيم كارى لخفة دمهم
البنت الدفاشة
ممثلها المفضل بو هلال وعبدالناصر درويش ومطربها المفضل عتاب ومزعل فرحان



البنت الناعمة
لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة
البنت الدفاشة
تنسدح على الارض وتحط رأسها على المخدة وتمد رجلها وتحطها على التلفزيون واذا تبى تغير القناة دقت التلفزيون باصبع رجلها وغيرت القناة



البنت الناعمة
اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى يروح ويرجع
البنت الدفاشة
تروح بالحوش وتمد السجادة اللى فيها خمسة وثلاثين لون احمر واسود وابيض وجابت كوب ستة متر متروس شاى



البنت الناعمة
فى نهاية هالموضوع تقولكم تشاو .. او سى يو .. او بباى
اما الدفاشة
فى نهاية الموضوع تقولكم .. حياكم الله .. تأمرون على شىء


شوفــوأ الصورتين وتعرفون الفرق بين الناعمة والدفشة :D