يحق إلها تباها بالجدود وعودها الريّان..و أنـا مالـي حقـوق إلا محبتهـا و ضحكتها

[مسعطر]

البتول ..
لـ ضيدان ابن قضعان ..
عسا إن تنال إعجابكم ..

بسم الله على قلب البتـول و حسنهـا الفتـان =عليها ذكـر ربـي مـن قدمهـا ليـن هامتهـا
أسمي كل مـا مـرت علـي بسـم الله الرحمـن =على مـن تجمـع قلـوب الأوادم فـي محبتهـا
لها القلب و غلاه و رحمته و الشوق و التحنان =ملاك أبـدع الرحمـن فـي تركيـب صورتهـا
وهبها الحسن من فضل ملايكته على الانسـان =عسى ربـي يعدّيهـا العيـون و شـر نظرتهـا
عليها يشبّهون أغلى الذهب واللول و المرجان =و هي ما تشبـه إلا مـا تشوفـه فـي مرايتهـا
أنا لو شفتها مهره لها فوق السحـاب عنـان =متى مـا هـبّ ذعـذاع النسيـم تفـلّ غرتهـا
ما شافوا المترفات أحلى وصوف ٍ شافها ضيدان =من الغيرة عيـون غمضـت و عيـون شافتهـا
يحق إلها تباهـا بالجـدود وعودهـا الريّـان =و أنـا مالـي حقـوق إلا محبتهـا و ضحكتهـا
محبتها حياة و بعدهـا عـن ناظـري حرمـان =وش أسبـاب المحبـة فالحيـاة إلاّ إبتسامتهـا
يا ذكر الله على وجه البتول و حسنهـا الفتـان =يا بسم الله عليهـا مـن ذكاهـا لـي براءتهـا

دمتم بود ..

[مهرة النسيان]

يحق إلها تباهـا بالجـدود وعودهـا الريّـان=و أنا مالـي حقـوق إلا محبتهـا و ضحكتهـا
يا ذكر الله على وجه البتول و حسنهـا الفتـان=يا بسم الله عليها مـن ذكاهـا لـي براءتهـا

ااااالله ياضيدان .. مبدع في الغزل الى مالا نهاية

مسعطر تعرف رايي مبطي في اختياراتك

[شيخة الغلا]

صح لسان الشاعر .. ولاهنت عالنقل أخوي مسعطر
القصيده جميله .. يعطيك العافيه

تقبل مروري

[مسعطر]

المشاركة الأصلية كتبت بواسطة مهرة النسيان

يحق إلها تباهـا بالجـدود وعودهـا الريّـان=و أنا مالـي حقـوق إلا محبتهـا و ضحكتهـا
يا ذكر الله على وجه البتول و حسنهـا الفتـان=يا بسم الله عليها مـن ذكاهـا لـي براءتهـا

ااااالله ياضيدان .. مبدع في الغزل الى مالا نهاية

مسعطر تعرف رايي مبطي في اختياراتك

حياش أختي مهرة .. و رايش خابره منذ مبطي

و شكراً على مرورش يا مرحبا ..

[مسعطر]

المشاركة الأصلية كتبت بواسطة شيخة الغلا

صح لسان الشاعر .. ولاهنت عالنقل أخوي مسعطر
القصيده جميله .. يعطيك العافيه

تقبل مروري

حياش الله أختي شيخة الغلا .. ولا ندمتي و ربي يعافيش

شكراً على مرورش .. يا مررحبا ..