** قســوة زمـــان **

[جابر بن جلاب]

تحية ومحبه واجلال وتقدير لمنتدى مجالس العجمان ( عصابة راسي) ولشخص اخوي:

(ابو حمد الشامري )سفيرنا بهذا المنتدى العظيم والشامخ
باسمه ولكافة الأعضاء الأعزاء حفظكم الله وبعد حبيت اشارك بهذه القصيده التاليه علها تحوز على رضاكم:

الا يالله دخيلك يالعزيز الوالي المتعال = تعين المستدين اللي الا هوجس ذكر دينه
تدّين من شقا وقته هواجيسه وضيق البال = وحرمانه وتعذيبه وميلة وقته وشينه
فلا يا خل لا تزعل ولا تشكي علي الأحوال = وأنا أول من شكى وقته وعانى من قوانينه
أقاوم وقتي الجاير وأكافح والحمول ثقال= وأسلي نفسي أبقول " الشقاوي ربه ايعينه"
على جسر النوايا الطيبة سقتْ القدم رحال= قنوعٍ أدري إن هم البنادم سر تكوينه
تلاطم بي هموم الوقت وترميني على أقسى جال = وياما شفت حظي طايحٍ يصفق بكفينه
و أقول أتهون إلى كبرت وانا رجال ولد رجال = و إلى ضاقت علي قلت الصبر وين..الصبر وينه
ورغم اللي حصل واللي بيحصل لي من الغربال= أنا مازلت أشوف الدرب لي خضر بستاينه
عسى الله يفتح أبوابٍ عليها بتةٍ واقفال = ويصفي وقتي اللي كم شكا صدري سكاكينه
وتضحك لي الليالي المقبلة وأشوف طيب الفال= ويهنى اللي شكى قسوة زمانه بآخر سنينه
ويبني للفرج قصر أساسه صبره اللي طال= ويكتب للزمن قصة اتخلدها دواوينه
فلا يا خل لا تشكي وأنا بلواي راس المال= وحلمي أهزم الوقت الردي وأكسر قوانينه

اخيكم/ جابر بن جلاب

[الفرس]

صح لسانك وسلم الهامك ..

ابيات رائعه ..

واحساس قوي مبهر ..


تقبل كل التحيه ..

[الاب الروحي]

صح لساااانك

ولاهنت

تقبل مروري واعجابي

ودعتك الله

[جابر بن جلاب]

الفرس مشكوره على ذا المرور الطيب والله لا يهينك إشادتك اسعدتني كثير لك كل الأحترام .

[جابر بن جلاب]

حيابك ويامرحبا اسعدني مرورك على متصفحي ودمت بعز ومعزه .

الله الله

يامرحبابك ومسهلا ياجابر ..

قصيده رائعه وجزله .

الوقت الردى ماخلا حد

صح الله لسانك ولااهنت

[جابر بن جلاب]

الأب الروحي مشكور كل الشكر على ذا المرور الكريم واشادتك اسعدتني كثير .
دمت بعز

[جابر بن جلاب]

ارحب محمد بن دسمه الله لايهينك على ذا المرور وصح بدنك يالسنافي .
دمت بعز ومعزه .

[يام المري]

صح الله لسانك


وياوجه العوير >>>>> ايني اضفتك فالمسنجر غير اقبل


وسجل اعجابي

[الشيخه]

اخى الشاعر الرائع جابر بن جلاب


مرحبا بك ومسهلا تشرفنا بتواجدك معنا و ( ما تضيق الا تنفرج )



استمتعنا بطرحك لقسوه الزمان واشهد بالله انها جزله هذى هى الدنيا محد فيها مستريح ولكن صغتها بكتابه لا مثيل لها رغم قسوتها الا انها تملك من شخصيتك الرائعه شموخك وهو واضح بهامن خلال ما طرحت ولازال هناك شعاع الامل واضح على كتاباتك :

فلا يا خل لا تزعل ولا تشكـي علـي الأحـوال= وأنا أول من شكى وقته وعانـى مـن قوانينـه
أقاوم وقتي الجايـر وأكافـح والحمـول ثقـال= وأسلي نفسي أبقول " الشقـاوي ربـه ايعينـه"
على جسر النوايا الطيبة سقـتْ القـدم رحـال = قنـوعٍ أدري إن هـم البنـادم سـر تكويـنـه
تلاطم بي هموم الوقت وترميني على أقسى جال = وياما شفـت حظـي طايـحٍ يصفـق بكفينـه
و أقول أتهون إلى كبرت وانا رجال ولد رجـال= و إلى ضاقت علي قلت الصبر وين..الصبر وينه
ورغم اللي حصل واللي بيحصل لي من الغربال= أنا مازلت أشوف الدرب لـي خضـر بستاينـه

صح الله اللسانك مليووووووووووووووووون



وسجلنى من احد المعجبين بكتاباتك


بانتظارك من جديد


تقبل منى خالص التحيه


الشـــــــــيـــــــخــــــه