غزلية جميلة : غصون قلبي عليها يبس ذبله...عشر سنوات و حبه مسرف فيني ...

[مسعطر]

هذا القصيدة لشاعر قحطاني بس ما أعرف أسمه لعلها تعجبكم

يا أهل الونيت الجديد اللي يبي قبله=مكينته من وكالتها قزوزيني
اللي هله فوق عفشه مسسوا حبله=و الظاهر إنهم على الشطات ظاريني
إليا أشتغل طار كور لا ضرب طبله=أستنزلوا به ضحا العيد المغنيني
يا عيال بنشد عليكم نشدةٍ خبلة=تكفون يا الربع ما فيكم قحاطيني
ولا أجنبي عديم وافي شكله=تاخذه فيني حميه ما يخليني
الكبد من ساحل أهل الطاش مندبله=لكن وين الذلول اللي توديني
ما تركبون الغريب اللي يبي العبله=قطوه في الرين ولا في الحصاتيني
في دار خشف عليه الروح منهبله=لكن من دونه اللي عنه حاديني
غصون قلبي عليها يبس ذبله=عشر سنوات و حبه مسرف فيني
أعرف زوله و مدهاله و وسم أبله=و شوفت طوارف وسيمتهم تشاليني
ورع لعبي غرامه لعبة السبلة=و شمت بي أعداي و الناس المواليني
و خلاني أمشي مع العالم كما الأبله=تزهمني الناس ما كنها تحاكيني