قصيدة - تبّت يدين الأغبياء - لـ الشاعر أحمــد الجعيـــد

[الفـدعـه]

السيف / ما يخرج عبث / يخرج لـْ سفْك
لا يمكن.. تْقاوم / صعوبة.. مراسه


والموت / لا منّه.. تعلّى / مشـارفْك
يوصلْك / لو زادت.. عليك / الحراسه


والراي / رايك.. وانت حرّ / بْـ تصرّفْك
يعرف خلاصه / شخص / عقله.. بَراسه


لا صرْت / عيب.. وكلمتي / ما تشرّفْك
ياخي بلاها / خوّتي / من أساسه


من جابرك / تبقى معي / وش مكلّفْك
روّح.. عسى دربك / خراب.. وتعاسه


ما قلت قولي / واقصد انّي / ابجحفْك
حقّك / أو آخذ.. منْك / دور الرئاسه


لكن..لمحتك / طحت.. والسيل / يجرفْك
قلت انقذ / الممكن / \"قُبيل انغماسه\"


يصعب عليّ / انظرك.. والريح / تعصفْك
واسكت.. ولا كنّي / أشوف / انتكاسه


لـ انّي / وضعتك.. في مكانه / توظّفْك
ما تسهر.. وجفني / يداعب / نعاسه


قدّمْت روحي / كبْش.. فدوة / تعسّفْك
ما قلت لأ / إلعن أبو جد.. ساسه


إضرب.. ودمّر.. واعمل اللي.. يكيّفْك
كله.. ولا جرح / الشموخ.. ومساسه


كنت احسبك / تقدر.. تثمّن / معارفْك
ذو لبّ / ما تخفى عليك / الدساسه


إثرك / ضعيف.. وزادك / الطيب.. واضعفْك
واصبحت.. فار التجربه.. والدراسه


حتّى الذي توّه / ويادووب / يعرفْك
ضعفك.. وخذلانك / يشجّع / حماسه



وتْقول رأفه فيه؟ / ياهووه / مرأفْك
زوّد عليها.. حلم / طيبه / فراسه



تلعب / على اللي / لو لعب / خلفه اخلفك؟
الفكْر / وااضح.. والتياسه / تياسه



يالموت الاحمر / يا قوي / وش مخوّفْك
يا انته وناسه / اي وربي..وناسه



لو فيه..كلمه / توصفكْ..كنت / اوصّفْك
تبّت يدين الاغبياا..والعكاسه



قد قلت لك / يا شيخ / عـزّز مواقفْك
بعض المواقف / ما تجي / بالسياسه



سولف / تكلّم / قوول..بسمع سوالفْك
بضحك / على عذرك..وقبْح / إلتماسه


عسى الحروف..اليا تلعثمت / تسعفْك
تستر / عيوب / الأستذه..والخساسه


والحين / لا والله / توكّل / أبحذفْك
من قائمة / أحباب / قلبي..وناسه


منته كفو لـ"احمد " ..وجنبه/ أوقّفْك
مثلك مقاامه / ما يجاوز..مداسه


وان جيت / يمّي..قلت : انا وين شايفْك؟
ذكّرني / افقدني..زماني / حواسه!!


ما دامني / صرْت اعظم / اعداء..تخلّفّك
اسعى / لتحجيمه..واريد / اختلاسه


كنّي..قذفْت / ايمانك..بْـ حادث الإفك
وانته!! / يا ماشاا الله..سمعتْك / ماسه


والا انته / ادرى بي..ولو قصدي اجحفْك
بجحفْك حقّك / غصب..يعني / نجاسه


وان قام سيفي / لا تفكّر / سوى بْـ سفْك
تراك ميّت / مير زيد / الحراسه

\


\


لــِ الشـــــــــاعـــر ::...

أحـــ م ــــــد الجعــيـــــــــــد

[خالد وبس]

الفدعه


صح السان شاعرها وتسلميييين على اختيارك الطيب


تحياتي لك

[الفرس]

ابيات حلوه ... بس ماكن فيها تجريح بزياده ..


الابيات روعه بس قويه شوي ..


تسلمين على النقل والاختيار ..

[مملكة العجمان]

صح السانك والسان شاعرها

تقبلي مروري

[مسعطر]

صح لسان الجعيد ,,

و صح لسانش اختي الفدعة و صح إختيارش الجميل ,,

تقبلي مروري ,,
أستودعك الله ,,

[@صدى الاهات@]

صح االله اللسان قايلها ولاهنتي على ذا الاختيار الموفق بنتظار جديدك القادم
ياختي العزيزة الفدعه


تقبلي مني خالص التحيه:

[الاحرش]

لاهنت


على النقل الجميل وبيض الله وجهك