يشرفني إذا سميت مياسة

[مسعدالسعدي]

اذا كان التواضع ساس بن جاسم فهو ساسه = حكم بالحق على الباطل وسوي بينهم قاسم
يشرفني اذا سميت لي بنتن بمياسه = وابني العود باناديه كل احيان ياجاسم
كذا من دون ما فكر ولا ضبطت بقياسه = قراري لو انا قلته يكون القول لي حاسم
قطر والدار بن ثاني وله اهله وله ناسه = قبائل ما تخاف الخصم حيث العدل هو قايم
ودوله للعلأ تنشد وبالقانون محروسه = لها سمعه على العالم ودومن ذكرها دايم
انا من يوم ماحليت اشوف الورد وغروسه = احس القلب يفرحني يشبه فرحة الصايم
احس اني انا منها ودون افعال مدروسه = تراودني على حلمي في صحوي وانا نايم
وطن يسكن شغاف القلب لما يطرب احساسه = وطن ماينتسي حبه يظل فيني وانا هايم
اريج الدوحة الغناء يهمس لي بانفاسه = وتمتم لي بالحانه وعقلي طارله حايم

[سمو الرووح]

تسلم وصح الله السانك وتسلم يمناك

مسعدالسعدي

وشكرا لك على القصيدة الرااائعة ولاهنت


تقديري وحترامي.

[مسعدالسعدي]

الأخت القديرة الأصيلة سموو الروح
صح الله بدنك وعلا شانك
شكرا لك يااخية على حضورك الرائع

[عبيد العرجاني]

صح الله لسانك


أبيات رائعه

موفق

[مسعدالسعدي]

صح بدنك مشكور أخي الكريم