" بسم الله الرحمن الرحيم"
السلام عليكم ورحمة الله وبركاته ...
بحروف من ذهب تنقش على صم الحجر لشــــــاعر زعزع أركان القصيد ليشيد نوادر يخلدها التاريخ،، شــــاعر يام علي بن بلال في بيوت القصيد المقتطفة من قصائد وبيوت يتيمة لم تكتمل...
بالله تفكر بالرجال وبالجمال وبالجبال = وأقرن بعضها في بعضها والمعاني واردة
وجعل جهة يمناك وعيونك زحازيح الرجال = وجعل تحت رجلك ويسراك الوجيه الباردة
وأربع حروف من الهجا متقاطعة دون اتصال = وش كنها يللي شواردكم ترد الشاردة
وقبل الولد دور الخال.. أحذرولد من غير خال = ترى الولد من غير خال ٍ طول باعه يارده
والناضج الناضج هو اللي صكته من كل جال = ما قالك رزق ٍ يطاردني ورزق أطارده
الشعر بيت ٍ عامر ٍ دايم الدوم = ما هوب بيت ٍ عرضتن للهدامي
يبقى ولو قالوا لراعيه مرحوم = من فجر تاريخه إلى آخر غلامي
ومن لا عرف قدره من الناس منجوم = كما يقولونه نهاره ظلامي
مهما يدف النقص بالكبر والزوم = عرّض عليه ولا ترد السلامي
الشعر صنعة كل فارس وزيزوم = مروية جرد السيوف الضوامي
القوافي والمواقف والحقوق أصنافي = والرجال أسماعها وقلوبها حساسة
والجنيهي في الحصاه يطقه الصرافي = يحتمي نقد الذهب عن فضته ونحاسه
والتجارب مدرسه والشرح شرح ٍ وافي = والزمان أستاذ وظروف الحياة دراسة
عليك يا علام ما لم يعلمه عني عميل = إلا عميل ٍ كالربيع إن جاد ولا هملي
أشد صبر من الجمل وأغزر من البحر المهيل = وأطول وأظل من الجبل وأكن وأزبن وثقلي
عون الكريم من الكريم اليا غدا وجهه البخيل = مكلحن مثل المحل المضمحل الممحلي
مدام والي الأمر يعطف على الناس = ومدامت الشيمة ترى الحظ طيب
وإن ضاعت الثنتين من راعي الساس = لا طابت الدنيا ولا طاب خيب
يا مطيب الفزعة لياجت من الراس = ما هي من الخيب ولو هو قريب
الشجرة اللي ما هي تسمن ولا تغني من الجوع = اللي من البعد كالنخلة وهي ما هيب ياها
من حبها أبعد عليه الطيبة من حبة الكوع = غلطان يا ملتجي في ظلها ولا ذراها
أنشد عن الطيبين اللي سوات الغيث متبوع = وأسمع علوم الحيا والطيبين اسمع نباها
من لايعرف الفرق بين الرياجيل = ما كنه إلا علة ٍ من عللها
ما فيه موضوع ٍ من الشعر ما قيل = ومن قال ( لا) قلنا تفضل وقلها
كم واحدٍ ما درا عنه العدم والوجود = للموت يخشى وهو ما حيى حتى يموت
وأصل الخلاف أختلاف معربين الجدود = ومجاملة كل دعوى ما عليها ثبوت
جتنا ملايين وراحت ملايين = ومجربين الوقت خيره وشره
والجدي قدم اللي مع اليل سارين = عن ألف نجم ٍ من نجوم المجره
% المصدر%
مجلة الفــــــــــــــــــــوارس
23-12-2005, 06:38 PM
(( ابيات من ذهب لشاعر يـــــــــــــــــــــــــــــام ))
العرض العادي
المواضيع المتشابهه
