السلام عليكم ورحمة الله وبركاته
اعذرونا على الغياب لكن ها انا بينكم من جديد
ونزولا عند رغبة بعض الاخوه الكرام اضع بين ايديكم هذي القصيده
والتي اعتبرها اقل مانقدمه لـ يام ورجالات يام العظماء
صلوا على خيررررر البشرررر
,,
اشوش ويميل العقال وكـل راسـي فاحتـدام = وماعاد اشوف الا بريق سلال معْ دم ٍ حمـر
ليا تذكرت الزمان اللي عجز في وجـه يـام = اقول ياربـي دخيلـك مالغـرور ومالكبـر
يحق لي بس الكبر منبـوذ مـن رب الانـام = وابْلا كبر فعيـون خلـق الله تعدينـا البشـر
اصلا لما مريت في الشارع تسمّـع للكـلام = اللي عبر يامي مافيه جدال هذا اللـي عبـر
ماريته في هيبتـه والخنجـر يشـد الحـزام = ومن شبحته بتقول اما انه صقـر ولا صقـر
ابرفعه صوتي ولا تشكك ترى وضعي تمـام = لاني ملجلج لا ولاقولي اقولـه مـن سكـر
السكره اللي في صميم الراس سكرات الكرام = اليا ارتفع للحـق داعـي طوحوهـا للنصـر
حن يام حن همدان حن سقم العدا حن الحلام = حن القلـوب الميتـه لادق ناقـوس الخطـر
يعني ليامن دارت الهيجاء وجاء وقت الزحام = قدامنـا حليـن امـا ننتـصـر ولا القـبـر
وان عـودت جـدان ولا للخـوال وللعمـام = تسمع عزاوي يام من نجران لين اقصى قطر
ماللي يلقبنا (بألمان العرب) يخسـى الغـلام = هم اللي نلقبهم بصبيـان يـام اهـل الفخـر
والله لو انْها ثارت ان برلين ترجـع للحطـام = وانه فلا يبقى من الحمـران ملعـون ٍ حمـر
من قبل مالله يرسل الهادي عليه ازكى سـلام = ومن بعد مالله أرسله وسيوفنا تقص الصخـر
اقولها وانـا مـن رجـال ٍ رفيعيـن المقـام = صبيان لسلوم اقبلت ياحي شوف اهل الظفـر
يرحمْك (يا ابراهيم ابن عامر) عدد وبل الغمام = ذكرك ينومس كل منهو يامي ونعـم الذكـر
لك لابة ٍ ياوجه عيسى في الشدايـد ماتضـام = آلاد عامر مزبـن الجانـي وللعـذرى ستـر
وياجعل هماله على قبرك (يابن قعوان) عـام = لاقيل لي جدك رفعت الراس وشبحي ماقصر
وانا قريعي من شغاميم ٍ تـدك ابـن الحـرام = تاطـا علـى عدوهـا ولايبيـن لـه فـجـر
تسري مساري كل ذيب ٍ مايهاب من الظـلام = وتشهد لها روس القبايل من بـدو ولا حظـر
حبكت قيفاني وسقت الشعر في مدح الكـرام = وحطيت لي بصمه عشان يقال شاعرها حظر
وختامهـا يالله تعـز الديـن وتعـز الامـام = اتعز ابو متعب مليك قلوب شعبـه والذخـر
29-07-2008, 01:53 AM
العرض العادي
المواضيع المتشابهه
