ألا يالهواوي جر صوتك كفيت العـوق لـ حمد بن قريان

[سعود الخويطري]

السلام عليكم ورحمة الله وبركاته


أسمحولي أن أنقل لكم قصيده مبطيه لـ الشاعر الكبير " حمد بن قريان ال خويطر العجمي "


عبر احد الاخوان الكرام وهذه القصيده هي موجه للأخ النحاوي بعد ان سمع شاعرنا أحد


الإخوان ويدعى "الهواوي" يلعب المنكوس بصوت محزن . تهيض شاعرنا بهذه القصيده


لأن الهواوي غنّاها على موجة الأخ النحاوي و أرجو أن تحوز على رضاكم :

ألا يالهواوي جر صوتك كفيت العـوق = تسمعت صوتك يـوم غنّيـت وأشقانـي
مع السلك صوتك حل في داخل المعلوق = دخيلك ترد الصوت لو كان مـن شانـي
دخيلك ترد الصـوت ذكرتنـي مخلـوق = عليه أتوّجد وأضـرب القـاع ولهانـي
وليفن ولفت القرب منـه وشوفـه بـوق = مقاريد ربعـه كـل ماجيـت تنحانـي
جميع البني عندي تحت . والحبيّب فـوق = تعـلاّ درجتـن مامعـه حولهـا ثانـي
حوى الزين كلّه. والذرابه مع المنطـوق = حما سيرته من هرجـة فـلان وفلانـي
جماله طبيعي ما شرا بودر أهل السـوق = عليه ألف بإسم الله من عيـون عدوانـي
تضامر حشاها. والنحر بارقه شاعـوق = وإلا لد شبحه قلت موت العـرب جانـي
جديله على حد الكرانيـف لـه دانـوق = ضحك له غضيض صباه .والعود ريّاني
أرى سلبة العاتق على جيدهـا المنتـوق = كما سلبة العرجـون . قالـه سليمانـي
خذا خدها لونن خذانـي وخيـذ الشـوق = تكيشافي برقن لاح في غـر الأمزانـي
تدامت شفاياهـا وكـن البـرد مشبـوق = برّمة حسين الـدل . سحّـاب الأردانـي
كفخ له فوادي يوم لـوّح وتـل سبـوق = معاليق جوفـي تلّـة الطيـر شقرانـي
عسا تعترض درب النحاوي مع الطاروق = على شان أبو غانم يجي فيه مـا جانـي
أبيها تسوق العود صوب المحبـه سـوق = ترده على عصـرن تقضّـا لسلطانـي
يبّيح خفاه العـود ثـم يظهـر المفهـوق = من أشعار أبو غانم ثمينـات الأثمانـي
أنا يالنحاوي عقبها خاطـري ممحـوق = تبرّيت من قاصـي المخاليـق والدانـي
يقولون خف من أشقر الكنت وأنح شروق = وأنا يمتـي غربـن علـى دار خلاّنـي
ويا لايمن بارود جالـي عليـك حقـوق = أنا ما جرالي يا إبـن الأجـواد كفّانـي

[الفرس]

الله الله الله الله ..

روعه .. روعه ..

اعجب مافي الابيات دقة الوصف بانتقاء المفرده ..

استاذي ..

ابيات البارود تنسينا العتب ..


الف مرحبا برجعتك ..

[يوران]

أنا يالنحاوي عقبها خاطـري ممحـوق = تبرّيت من قاصـي المخاليـق والدانـي

صح الله لسانك ولسان بن قريان


ولاهنت على القصيده الرائعه ياسعود

[ابونايف الوعيلي]

لاهنت اخوووي سعود وصح لسانه

[بطاح]

الله الله



صح لسان بن قريان وصح لسانك اخوي سعيد



تقبل مروري

[مسعطر]

المشاركة الأصلية كتبت بواسطة سعود الخويطري

أرجو أن تحوز على رضاكم :

اي قصيدة لـ بارود تحوز على رضانا بدون جدال

ويا لايمن بارود جالـي عليـك حقـوق = أنا ما جرالي يا إبـن الأجـواد كفّانـي

محد يلومه
الله الله ,,


صح لسان المبدع بارود ,,

و صح لسانك ياي ابو محمد ,,,


و من طوّل الغيبات جاب الغنايم ,,

و القصيدة خلّتنا ننسى العتب عليك


ولا تقاطع


تقبل مروري ,,
أستودعك الله ,,

[سعود الخويطري]

المشاركة الأصلية كتبت بواسطة الفرس

الله الله الله الله ..

روعه .. روعه ..

اعجب مافي الابيات دقة الوصف بانتقاء المفرده ..

استاذي ..

ابيات البارود تنسينا العتب ..


الف مرحبا برجعتك ..

الفرس



هـلا مرحبـا ترحيـب بمرورك وتواجدك الطيب




وشكرا لك ودام تواصلك وحضورك الجميل




تقبلي سلامي

[عـسـاه خـيـر]

يفووق الووصف بجد وقصيده مليئه بالاحساس المرهف لاهنت على نقلها اخي سعوود صح السانك والسان شاعرها حمد بن قريان على هالررائعه

[الشيخه]

أنا يالنحاوي عقبهـا خاطـري ممحـوق = تبرّيت من قاصـي المخاليـق والدانـي

الله الله


صح الله اللسان حمد بن قريان


تواجدك مبدع يا سعود وحضورك قيم طال عمرك


تسلم يمناك على النقل الطيب


تحياتى لك

[بندر العجمي]

مرحبا والله مسهلا يا سعووووووووووود
وبيض الله وجهك



ووجه المبدع : حمد بن قريان الخويطري ( بارود )
: