اجازه اليابانيين واجازاتنااا !!!!!!!!

[عذاااب]

تعلم أن اليابانيين أكثر شعوب العالم المتقدم حرماناً من العطلات ،

اذ لا يتعدى متوسط اجازاتهم تسعة أيام في العام

بينما الفرنسيون هما أصحاب النصيب الاكبر من العطلات

بمتوسط يبلغ 34.5 يوم سنوياً.

وتمنح الولايات المتحدة العاملين ثاني أقل عدد من العطلات سنويا

بمتوسط 17 يوماً يأخذ معظم العاملين منها 14 يوماً ،

ويمنح النيوزيلنديون 19.5 يوم سنوياً يستهلكون منها نحو 17

بينما يستخدم الاستراليون 16.5 يوم تقريباً من اجمالي العطلات وعددها 20 يوماً.







مساكين يا اليابانيين

صدق أنكم شعب محروم من الراحه

تهجولون في ذا الدنيا لا راحه ولا نوم ولا فلة حجاج

علشان تقدمون اختراعات تفيد الانسانيه

همن بتموتون واللي ما اسلم منكم بيخلد في النار

وخلوا الانسانيه وسوني ومتسوبيشي وتويوتا تنفعكم



اقول خلوكم مثلنا بس

والله ياالانسانيه ما قامت ولا قعدت عندنا

فالين ام الحياة.. اجازات ونوم وتسدح وتبطح ولله الحمد والمنـّه





شوفونا ايام السنه 365 واجازتنا 355 يوم





الموظفين..شهر أجازه نظاميه و10 ايام اضطراريه

و3 شهور تروح ما بين اجازاة وفاة والديه وعمانه وعماته وخواله وخالاته

وامهاته من الرضاع وابوانه من الرضاعه واصدقاه من الرضاع



الموظف السعودي هو الوحيد في العالم اللي تتوفى له 12 جده و12 جد في السنه..

ومنها شهرين استئذانات من المدير علشان يجدد الرخصه والاستماره

ويضيف ولده في دفتر العائله ويسجل ولده الثاني في المدرسه

ويطلع ولده الثالث من مرورالناصريه ..

و55 يوم يطلع من الدوام يبلغ الشرطه عن شغالته المنحاشته





و3 شهور اجازات مرضيه منها شهر ونص في السنه

اجازات خلع اسنان .. تماسيح مهوب موظفين

وبعدين مدري وش ذا الاسنان اللي يخلعونها وتنبت ..



تصدقون يا جماعه ان بعضهم يكون باقي عليه ويتقاعد سنتين

ويجيب اجازه مرضيه بسبب خلع ضرس عقل

واللي موقع الاجازه طبيب نساء وولاده





والطلاب والطالبات اجازات الصيف 3 شهور

ومعها مكرمه من اهالي الطلاب نص شهر

واجازة حج 20 يوم

معها مكرمه 10 ايام من اهالي الطلاب والطالبات



و10 ايام اجازاة نص سنه

ومعها 15 يوم مكرمه من اهالي الطلاب والطالبات



واجازة ربيع ومعها 15 يوم مكرمه من اهالي الطلاب والطالبات

واجازات امطار واجازات غبار

وغيابات بسبب الانفلونزات

وغيابات للطلاب بسبب هزايم فرقهم..

واللي مسكوه المرور وخلوه يفك انوار الزينون

وعلم ابوه ولعن جدفه ..وتعبت نفسيته



وغيابات للطالبات بسبب ان بطونهم توجعهم

وغياب لان نفسياتهم تعبانهم ..



واسباب تعب نفسيات البنات متعدده

اللي قصت شعرها وطلع وع

واللي محد عطاها وجه على البي بي

واللي طلعت لها حبة شباب في خشمها

وقاعده طول الليل تراقب ذا الحبه لين تعبت نفسيتها ..

ميسي مهيب حبة شباب

الزبده أن الطلاب ما يصفى لهم من دراسة ال8 شهور الا 18 يوم



اما المدرسات والموظفات فحدث يا اها بس ولا حرج

اجازات مثل الاجازات الرسميه للطلاب والطالبات

واضيفوا لها اجازات مرضيه اثناء الحمل

واجازات نفاس ممكن توصل ل 3 شهور

عشان كذا ذا المدرسات هم اكثر من يحمل ويولد

بزعمها انها بتكثر امة الاسلام وهي تبي تتبطح وتتسدّح



طبعا اضافه للاجازات المرضيه بانواعها

المدرسه تراجع كل التخصصات الطبيه علشان تجيب منهم اجازه

اسنان وانف واذن وباطنيه وبوليه وجلديه ونساء وولاده

وعظام واصابات ملاعب



وأجازه علشان فيها ضيقه وشاكه ان منظوله

على طاري الضيقه ..

قسم لو للرقاة الشررعيين صلاحيات متح اجازات مرضيه

ان ما تلقون مداوم في مدارس البنات الا البواب والفرّاشه و5 طالبات دافورات



نرجع لمحور حديثنا ..

وغياب بعض ايام الاربعاء لانها بتروح لزواج

ولازم تمسك سرا عند الكوافيره من الضحى



واجازه مرضيه بعض ايام السبت لانها كانت عازمتن حمولتها وتعبت

مع ان حمولتها كانوا عندها يوم الاربعاء ..

الحين الشغاله هي اللي تتعب والمدرسه هي اللي تاخذ اجازه!!!





انا اقترح اقتراح بيفيد الانسانيه

وهو اننا نتناسب انا واليابانيين

نتزوج منهم ويتزوجون منا



نعطيهم مما اعطانا الله من زود العيون

ويعطونا مما اعطاهم الله من زود العقول

نعطيهم مما اعطانا الله من الحرص على المظهر

ويعطونا مما اعطاهم الله من الحرص على الجوهر

وبكذا بننتج للانسانيه نسل يحبه قلبها..

والله يا نها بتنبسط فينا ذا الانسانيه





هاه !!



لا لا



هونت عن اقتراحي

اخاف ان تاثيرنا يكون اقوى

في الفهاوه والدلاخه والرفاله والرباده



وتاثيرهم يكون اقوى في صغر العيون وحب الجوهر

و تطلع عندنا سلاله تحوم التسبد

همن عاد تقعد بها الانسانيه ..

دلاخه وعيونن نقوب ..

ولا مظهر ولا جوهر ولا سوني ولا متسوبيشي

ولا حتى تويوتا يارس قيير عادي


--

[salem almarri]

عذاااب

كل الشكر والتقدير على الطرح المميز

اقتبس منه بعد اذونك عفوا بعد اذنك

و55 يوم يطلع من الدوام يبلغ الشرطه عن شغالته المنحاشته

ماقلتي لنا ليش منحاشه






دمتم بخير وسرور وسلاااام

[هيبة حضــــريه]

هههههههههههه فديت شعب أبومتعـب فاهميــن الفـله على أصـولهـآ


خليـهم ينبسطــون وش ماخذين من هالدنيــا العمـر يخلص والشغل مايــخلص *_^

وبعـديـن حـب الـراحة شيء متأصل في نفـس وجسـد وعقـل العــربي بشكل عام 00

لأن الراحــة هي الاصـل والعمــل فرع بنظرهــم ^_* ..

[الغروب]

عذااب
مع الشكر على النقل

لكن هذه الاحصائية قديمة جدا ياليت عندنا اضطراري 10 ايام اواجازة لطلبة 3شهور

واجازة الوفاة فقط للاب اوالام من غير شر

فقط للعلم

تقديري.

[الجلمود]

^
يعني الباقي صح ..!؟

مافيها شي حق الموظف .. انه يستاذن ويقدم اجازته ..

حتى مرة من المرات في ايام الصيف ما داومت .. واستاذنت يومين ..

علشان كانت دريشة السيارة ما تسكر والصناعية مسكرة ..

والحمدلله على نعمة الامن والامان ..

[عليل المحبه]

احسبوها صح
كم بيون الواحد بيعيش بعد عمر طوويل
معقوله انقضيها كلها دوام

وسعوا الصدر بسس

اما اليابانيين مافيهم حيله

[الجلمود]

^
اليابانيين ..

عطوهم يوم اجازة سوو مظاهرة واحتجاج بالشوارع

[عذاااب]

المشاركة الأصلية كتبت بواسطة salem almarri

عذاااب

كل الشكر والتقدير على الطرح المميز

اقتبس منه بعد اذونك عفوا بعد اذنك

و55 يوم يطلع من الدوام يبلغ الشرطه عن شغالته المنحاشته

ماقلتي لنا ليش منحاشه






دمتم بخير وسرور وسلاااام

هووو انتا ماتعرفشي ياسالم ؟؟


مووش الوليه مراتوو عزبت الشغاله بتعتهم بالدبابيس والمساامير


وبعد كده الشغاله هربت ياعيني

[عذاااب]

المشاركة الأصلية كتبت بواسطة هيبة حضــــريه

هههههههههههه فديت شعب أبومتعـب فاهميــن الفـله على أصـولهـآ


خليـهم ينبسطــون وش ماخذين من هالدنيــا العمـر يخلص والشغل مايــخلص *_^

وبعـديـن حـب الـراحة شيء متأصل في نفـس وجسـد وعقـل العــربي بشكل عام 00

لأن الراحــة هي الاصـل والعمــل فرع بنظرهــم ^_* ..

دووم الضحكه يالغلاااا وشكرا على مروورك

[عذاااب]

المشاركة الأصلية كتبت بواسطة الغروب

عذااب
مع الشكر على النقل

لكن هذه الاحصائية قديمة جدا ياليت عندنا اضطراري 10 ايام اواجازة لطلبة 3شهور

واجازة الوفاة فقط للاب اوالام من غير شر

فقط للعلم

تقديري.

هلا بك يالغروووب وشكرا لك على الاضااافه