يتيمه

[أميرة نجد]

مرت سنة يابوي من وقت فرقاك
وقلبي إلى هاليوم شمسه عتيمه
مرت سنة فرقا وحسك وطرياك
متوسد بأوراق حزني القديمه
مرت سنة وأنا اتخضب بذكراك
بدموعي اللي في عيوني مقيمه
من عجلت في رحلة الموت ممشاك
وأنا حياتي مالها إي قيمه
البارحه في غفلة الليل اطراك
قلبي ونادت آهتين ف صميمه
ومرت بعيني صورة أيام دنياك
وأوقات كانت في حياتي عظيمه
ياما عطيت الناس من خير ما اعطاك
وياما مسحت دموع ثكلى كليمه
وياما يمينك سابقت خير يسراك
حتى يدينك شبهوها بغيمه
يابوي بنتك دربها صار أشواك
ومعاد تمطر فارضها أي ديمه
واللي خبرته يحسب حساب يمناك
واشد ظهري فيه عند العزيمه
ماماداك بس تموت يابوي ممداك
الا وجا يهدي لعمري الهزيمه
ومابين غبنه ذاك وجروح هذاك
وفراق كلي منه روحي سقيمه
وهذا أنا يابوي من بعد فرقاك
(تذكار) كنت وصار اسمي يتيمه
الشاعره تذكار الخثلان

[ابومحمد الشامري]

لا هنتي يا اميرة نجد على القصيدة الرائعة صح لسانك يا السنافية

[monamora]

تسلمين يا اميرتنا على القصيده المعبره
تحياتي لج

[أميرة نجد]

الف ترحيب لبوحمد الشامري اسعدني مرورك
يالغالي

[راكان اليامي]

لا هنتي يا اميرة نجد على القصيدة الرائعة صح لسانك يا السنافية

[أميرة نجد]

مرحبا بدكتورتنا الغاليه مونامورا

اسعدني مرورك يالغلا

[أميرة نجد]

تسلم اخوي راكان اليامي

[ابن وعيل]

صح لسان الشاعره تذكار الخثلان
تسلمين لنا يا اميرة على النقل المتميز

[أميرة نجد]

الف ترحيب لشيخ العجمان

((ابن وعيل))

اسعدني مرورك يالغالي

[الخديدي]

أميره نجد مشكوره اختي على الطرح الجميل...