شحيت عني بشوفك صار لك مده

[عذاااب]

شحيّت عني بشوفك صار لك مدّه
واليوم صوتك بعد شحيّت به عنّي


قبل أمس لك صدّةٍ واليوم لك صدّه
زودٍ على مابي من طعون تطعنّي


إن مات شوقك فشوقي واصلٍ حدّه
وإن كنت رايق فعقبك ماضحك سنّي


أرخي لك الحبل وأنت تعوّد تشدّه
صار الجفا فنّك وصار الوفا فنّي


هذي سواياك باللي خصّك بودّه
تعيشّه في عذابك وأنت متهنّي


هذا جزا اللي هواك وجاك من جدّه
عاش يتمنى وقضى العمر متمنّي


الله حسيبك بقلبٍ صار مسودّه
والله حسيبك بحالٍ صار متدنّي


صبري قضى والليالي السود ممتدّه
العمر توّه وأشوف الهمّ زابنّي


عزّي لمن مثلي الدنيا صفت ضدّه
ربه كتب له يعيش العمر متعنّي


ياصاحبي صاحبك كفّه على خدّه
يغفي له شوّي ثم يفزّ ويونّي


يضرب بيدّه من الضيقه على يدّه
ومن الحزن يعتلي المشراف ويغنّي


ياصاحبي والدروب اليوم منسدّه
وش عاد باقي بعد ماخاب بك ظنّي


قال المثل شي منّه تستحي بدّه
بقول لك شي في صدري وغابنّي


قلبي وداعه معك واليوم قد ردّه
هاته بما فيه وخذ وداعتك منّي


مانيب ابي منك لاحاجه ولا مدّه
ابي اتصالٍ على حالك يطمنّي


من عيد لاعيد دقّ وفضلك اعدّه
يمكن لادقيت رقمي ماتعينّي

مما راق لي ..

[المااسه]

.

الله الله رووعــه
صح لسان شاعرها .. وتسلمين ع النقل يا الغلا ~

.

[عليل المحبه]

يوجع النص ياعذاب
صح السسسان شاعرها

ولاهنتي

[عذاااب]

المشاركة الأصلية كتبت بواسطة المااسه

.

الله الله رووعــه
صح لسان شاعرها .. وتسلمين ع النقل يا الغلا ~

.

صح بدنك يالغلااا ..... وتسلمين على المروور فديتك

[عذاااب]

المشاركة الأصلية كتبت بواسطة عليل المحبه

يوجع النص ياعذاب
صح السسسان شاعرها

ولاهنتي

سلامتك ياعليل .... صح بدنك ولاهنت على المروور