حب الرسول

[عبداللطيف الفضلي]

نُشْهِـد إله الكون في حب الرسول = الـهـاشــمي طــه شفيــع العــالمـيـن




اللي نشر دينه على العالم شمـول = مـن رحمته يشفق على اللي ظالمين




هو الأميـن الصادق الكلمات قول = معتـق رقاب النـاس خير الشافعـيـن




مثـل المطـر هتّان يازين الهطول = والأرض عـطـشا والاوادم ظـاميين




أنبت بها حبٍ جرى جري السيول= فيــه الثــمر طـاعه تـزين العـابـدين




أنـزل عليــه الله آيــاتـــه نــزول = نــورالخــلايـق جــنّــةٍ للصـابـرين




شـــال الأمانه طايعٍ مبدي القبول = صـابرعلى اهل الشرك ويا الكافرين




خلّى الجهل والكفر بامر الله يزول = الله نصيــره ضـد كـيــد الكايــديـن




حـبـّه يـفـوق النفس بانـفسنا يجول = والأهــل وعـيــالٍ عليــنـا غـاليـيـن




دايــم يكــرر أمتي وقـت الـمثـول = يــوم القـيــامه جعــلــنا به فايـزين

[عبيد العرجاني]

دايــم يكــرر أمتي وقـت الـمثـول = يــوم القـيــامه جعــلــنا به فايـزين

اللهم أميين..

عبداللطيف الفضلي

صح لسانك

ماشاء الله مبدع في قصائدك يا ذيب الشعر

[عبداللطيف الفضلي]

اخوي الغالي عبيد العرجاني


ماعليك زود يالذيب


صح بدنك وعساك سالم

[عبدالله شايع حمود الحصين]

جعله الله في موازين حسناتك

الف شكر على الطرح الرائع
دمت بود

[عبداللطيف الفضلي]

عبدالله الحصين


آمين يارب العالمين

صح بدنك يالغالي