ماضي العضيمان...........( واشنطن )

[وسيع البنايد]

السلام عليكم ورحمة الله وبركاته
هذه قصيدة للشاعر: ماضي بن مبارك العضيمان

الصدر ضايق وقلب المبتلـى مشطـن=وطيت شوكه وماتـت وردة الجـوري
قلبي غدالك ياطيـر الغـرب مستوطـن=حطيت دستـورك وغيـرت دستـوري
داخل نيويـورك ولا وسـط واشنطـن=ماينعرف لك ديموقراطـي وجمهـوري
ترطن وانا اقول في قلبي ياوش ترطـن=ولا عرف غير كلمه واحده ..سـوري
جبان عنـدك وعنـد النـاس متسلطـن=صوتي معك واطي ومع غيرك اجهوري
وعيونك الساهرات اللـي علـي ابطـن=وانا اتحرى يشوفن (عـزت الـدوري)
لا علّن الشـوق فـي قلبـي ولا وطـن=الا ان كبدي تصالـي فوحـة الغـوري
ولك طايرات الغلا في خافقـي حطـن=بس انتبه لي ترانـي مجـرم وثـوري
ياوين تلقى نهار السبـت لـك موطـن=من جيشي التايوني وسلاحـي الكـوري
وين اتحمّل وفوق الكبـد مثـل الطـن=وعيون تشبح واذانـي تستمـع فـوري
ان جا خطاب الامـم منسـوج ومبطـن=تحمّل اللـي يجـي يالريـس السـوري

[فهد بن محسن]

الاخ\ وسيع البنايد

تسلم وبيض الله وجهك على النقل المميز للشاعر ماضي العضيمان

والشاعر ماضي شاعر متمكن غني عن التعريف

تحياتي لك يالغالي

[راكان اليامي]

صح لسانك ياذيب ولسان ابن عضيمان

[فزاع]

صح الله لسانك يا وسيع البنايد ولسان شاعر ذا القصيدة الجزلة أختيار رائع يالأجودي.

[ابومحمد الشامري]

لا هنت يا وسيع البنايد على القصيدة الرائعة صح لسانك ولسان ابو مبارك ماضي .


( ماضي بن عضيمان )

[راكان اليامي]

لاهنت ياوسيع البنايد وصح لسان ابن عضيمان

[وسيع البنايد]

ارررررررررررررحب ياابو محسن
مرحبا ترحيب وافي وملياااااااااااااااااااااااااان
تحياتك واصله

[الخديدي]

مشكور اخوي لاهنت ...
طرح جميل

[(عـ ـديـ ـل الـ ـروحـ ـ)]

وسيع البنايد


سلمت يمنكـ علي النقل ومشكور



تحياااااااتي