يتوق قلبي

[نفل بن فهد]

السلام عليكم

هذي اعتبرها مقتطفه وعسى ان تنال اعجابكم

ياشوق بين ضلوعي العوج من تحت=مركز غلاك وصادق الشوق خادر
عادك بعيني يالغلا مابعد طحت=غلاك ساطي في معاليق نادر
وعلى سجل العشق صنتك ولا بحت=ولا طرو اسمك بين وارد وصادر
حتى على غصن الوله كل مانحت=غلاك بين ضلوعي العوج هادر
سابقتك بكل الجوارح ولمحت=جيتك ولا كن ياأتلع الجيد بادر
يتوق قلبي لا ندبته ولوحت=أثر الغلا سند وطاريك حادر
واربع سنين وكنك البارحه رحت=قدرت تنسى بس مانيب قادر

[المااسه]

لاهنت ويعطيك العافيه ..

[king الوادي king]

صح لسانك ياحزين ولا هنت

وننتظر جديدك

[عليل المحبه]

واربع سنين وكنك البارحه رحـت

قدرت تنسـى بـس مانيـب قـادر

الله الله

حزين القوافي
كل مانثرته هنا حزين

صح السانك على الجزاله


ولاهنت

[مترك العمره]

قصيدة رائعه.. صح الله السانك...

تحياتي لك وتقديري

[نفل بن فهد]

الماسه الله يعافيش ويسعدني مرورك

[نفل بن فهد]

كنق الوادي صح ابدنك يالغالي

[الغروب]

حزين القوافي

تسلم على النقل الموفق

وصح لسان شاعرها .

[د.فواز عراجي]

صح لسانك وسامحك الله,فقد ذكـرتني بمن أحاول أن أنسى منذ عشرين عاما.(حالي مثل حالك)
(يا شوق بين ضلوعي العوج من تحت) لك مسكن(ن) قدامه القصر شادر
منحوت رسمك عا جدار القلب نحت مثل الملاك وخالص العشق نادر
مركز غلاك وخالص الشوق من طحت من زود حزني مثل بركان هادر
وجفت دموع العين من فرط ما نحت والجسم صفى خيال والعقل خادر
ليتك لعيني بنوب يا زين ما لحت أو كان لي قلب(ن) من الصخر حادر
ليتك بحبك ليه ما كنت صرحت ولا كان دمع عينك من القلب صادر
ساعدن أنسى بذكرك بنوب ما فرحت لا تظل تذكرني ولا تكون غادر
(ن) نسيتني يا زين ريحت وارتحت عذبتني كفايه وليتك تغادر.
د. فواز عراجي

[نفل بن فهد]

عليل المحبه

صح ابدنك وهذا من ذوقك يالغالي