ياوجودي من عنا الوقت والضرف الكليف
حالـتـي حـالـه وعـيـنـي مطـاولـهـا الـسـهـر
وجد عـودٍ يكـرم الضيـف ويضـد الحفيـف
وابتلاه الوقـت الوقـت لاقشـر وهقـاه القشـر
كـان لامنـه عـدا يقـسـم صـفـوفٍ صفـيـف
يـمـنـع الـتـالـي ويــفــزع لــمــا رد الـخـبــر
غير عقب الفعل لاول غـدا عزمـه ضعيـف
صـار بيـن اثنيـن لاسـار والـشـوف انقـصـر
بندقـه تبكيـه والـرمـح والهـجـن العسـيـف
والصفـوف العـوج والـدرع والجـوخ الحمـر
والرفيـق اللـي ورا القـوم ماعيِـن نصيـف
اذبـحـوه الـقـوم واقـفــوا بحـسـكـات الـوبــر
ضايـقٍ صـدره ودمعـه علـى خــده ذريــف
يـوم شـاف جمـوع ربـعـه وغـيـب ماحـضـر
يسمع ان ربعه ولاخصام في حربٍ عنيـف
خـايـف ان الجـيـش يكـسـر ولكـنـه انـكـسـر
بعدها مـن ضيقتـه صـار فـي مخـه نزيـف
انغبـن مـن ضيـم ربعـه ومـات امــن القـهـر
لو بقى ساعه وهـو حـي غيـر الله لطيـف
شـل عزمـه صــوب سيـفـه وسـلـه وانتـحـر
الـزمـن قـاسـي ولايــام خافـيـهـا مـخـيـف
يالله انـــك لاتكـلـنـا عــلــى جــــور الــدهــر
[/align
]