::. أحـترت فيهـا / ع علوش .::

[غـشـام]

بإدارجي .. هذهِ الرائعة .. أمام أعينكم
يحذوني الأمل ... بسلب عقولكم وقلوبكم
وهي للشاعر الرائع : عبدالله بن علوش
< أخو حبيبي الفيلسوف سعد >
/
/

ماعاد يرضيني وفى! ولا يزعلني جفى!
متساوي في خاطري ظلم العرب وانصافها


ولا تاقف الدنيا على شمع الغرام اللي طفى
بعض الشموع أنا أتعمّد كسرها واتلافها


من أوّل لـ أخفيت لي علم عن الناس أختفى
واليوم هذي حالتي مابه حدٍ ما شافها


قعدت أحسّب وش ربحت؟ و وش خسرت؟ و وش صفى ؟
ياحي روس أموالنا قبل الطمع بأضعافها


تعبت أدوّر فـ القلوب البارده ليلة دفى
وألقى استغلال النفوس وكذبها واجحافها


حتى أقرب العالم لو يوقّف معك وقفت وفى!
اصبر وتدري وش دوافع وقفته واهدافها؟!


عاد أنت / يالوجه الجديد اللي تبي وصل وصفى
حبال وصلك شوف لك ناسٍ تمس اطرافها

أنا على موعد مع واحد ,, وكانه مالفى
ما عاد أبيـ ( اش ) من السنين سمانها وعجافها


لأني عقب ما رمش عيني صاحب النوم وغفى
حلفت / ما رده على اشياء من عرفها عافها


العشق وامراض المحبّه وإستحالات الشفى
وأغلب علاقاتي / مع العالم ,, اشوف اِنكافها


و ذألحين عن أذنك!! وسامحني !! إذا لساني هفا
نفسيتي ماعادني بـ أقدر على لطّافها


والموعد .. اللي كنت قبل شوي.. جالس له عفى
ما جاء .. ودقايق موعده .. راحت .. وقدني خلافها

\
\

رضاكم غايّه من غايات إهتمامنا

* للأمانه حاولت أضلل أفضل بيت أعجبني .. وأحترت فيها

فبكل الإحـترام
هناا
الـمَـرّي غشّــام

[الفرس]

	ماعاد يرضيني وفى! ولا يزعلني جفى! =متساوي في خاطري ظلم العرب وانصافها ولا تاقف الدنيا على شمع الغرام اللي طفى =بعض الشموع أنا أتعمّد كسرها واتلافها

ياسلام ياسلام ..

قمه في الاحساس وانهيار المشاعر ..


غشام من مبطي وانت ذويق ..

تحيه لرهف ذوقك ..

[الغروب]

غشام

احسنت الاختيار للمبدع سعد علوش ...كل الشكر

دمت دومآ بتميز

[مهرة النسيان]

ماشاء الله عليه الله لا يضره


الهاجري صح لسانك مليون


كذا الشعر ولا بلاش


كل بيت عن قصيدة .. ررائعه


غــشــام


لا هنت على ذوقك المميز

[مسعطر]

المشاركة الأصلية كتبت بواسطة غـشـام

* للأمانه حاولت أضلل أفضل بيت أعجبني .. وأحترت فيها

^
^
و انا كنّي اياك ,,,


صح لساااانك و لساااان ابن علوووش

و عزالله إبدع و أنت أبدعت ,,,

لا حرمنا إبداعك ,,

تقبل مروري,,,

[&آهــــات الحــــزن&]

صــــــــــح لســــــــــانه ولاهنت اخوي غشام على الاختيااااااااار الراااائع

[غـشـام]

خاص للعُملة النادرة الفرس ..
الذوق والله هنيّااا
أضغطي هنياا ولا تهونين

[الاب الروحي]

تعبت أدوّر فـ القلوب البارده ليلة دفى
وألقى استغلال النفوس وكذبها واجحافها


حتى أقرب العالم لو يوقّف معك وقفت وفى!
اصبر وتدري وش دوافع وقفته واهدافها؟!


الله

نقل قمه فالروعه


لاهنت غشااام

ابدعت فالنقل

ودعتك الله

[شيخة الغلا]

صح لسانك أخوي غشام

ولاهنت على النقل الرائع لإبن علوش

تقبل مروري

[غـشـام]

لولين ..
وجودك شرف
فـ شكراً لكِ
بكل الود
هنااا
غشّــام