ســــــــــالفه بقصيده ..,,

[العـــسر]

السلام عليكم ورحمة الله وبركاته

القصيده تشرح نفسها

صلوا على النبي

البارح النوم ما جالي=أسباب خلّ ٍ تهيّالي
مدري ظهر يوم أفكّر فيه=وإلا تغشّاني إهبالي
من صدمتي جاتني طرمه=صلبْت جسمي على حالي
غمّضت عيني أبيها إتروح=فتحتها ... عادها إقبالي
عوّدت دوني ... أبستوعب=وعثرت ... من زلقة إنعالي
تناوشتني قبل لا أطيح=ضفّتني ... وساوت إعقالي
حطت يديها على راسي = وقامت إتسمّي وتقرالي
تبسّمت عقبه ... وقالت= إهوالك .. أعدى .. من إهوالي
مستغرب ٍ شوف مغليتك؟؟= دعيتني ... وجيت طوّالي
طريت لك .. وآيني جيتك=وأرفع لك الصوت .. بالعالي
شبّيك لبّيك ... وش تبغا = واللي تبي جاك يالغالي
ثم إختفا زولها ... فجأه=وأثره من إصياح جوّالي
لبيــــه .... ليته على الصامت=لا يا وجودي ... وعزالي
قدام عيني ... ظهر خلّي=ولا لمسته ... بري حالي
بفصل من اليوم جوّالي=من خدمته ... وأقطع إرسالي
من شان لا جاتني ... بكره=يزين ليل ٍ تحلوالي
وأنا انتظر دقّة الساعه=والصبْر في الكبْد سلاّلي
نطرت ... ما جات ... والحرّه= حطّيتها براس جوّالي

سوالم

[فلاح بن ملبز]

جوالي

يا سلام يا العسر ،

وصح لسانك على ذا الوافيه

ولاهنت

[العـــسر]

فلاح بن ملبز

يا مرحبا ومسهلا


صح إبدنك ولاهنت على المرور




تقبل تحيّاتي

[مسعطر]

الله الله الله الله ,,
عزالله ابدعت يا شافي ,,
و هذا بين حلم وبين علم ,, وعساه يتحقق

صح لسااانك مدد بلا عدد ,,

تقبل مروري ,,
أستودعك الله ,,

[العـــسر]

أرررحب يا مسعطر

نوّرت الصفحه


صح الله ابدنك ولاهنت على المرور




تقبل جزيل الشكر وفائق الإحترام

[تــاج راس الــعــز]

العسر مبدع دائما صح لسان قايلها وتسلم ايدك على النقل يالسنافي

[العـــسر]

عسى ما شر نقل يا حبيّب؟؟

القصيده قصيدتي


على العموم



صح ابدنك لاهنت على المرور

[ملاذي]

لا هنت يالذيب....!!

العسر...!!

معليه.... خل الجوال على العام ...بس اربها تعود معليه....!!


العوض ولا القطيعه...!!!


ابيض وجه....يالعسر....

دمت لله اقرب...

[تــاج راس الــعــز]

اعتذر لك يا العسر لكن صح الله لسانك وعلى قولة
المثل اللي ما يعرفك ما يثمنك مادريت انك تكتب

[فيصل العجمي]

لبيه .... ليته على الصامـت
لا يا وجـودي ... وعزالـي

صح ألسانك يا الذيب...

قصيده جزله...

وتقبل تحياتي...