انا اقدّر العجمـان واوجـب العجمـان.....لو ان ماني بعجمي ولا امـيّ بعجميّـه

[بنت قروم]

يامطلق بعـد راق جـوّ القصيـد وزان
ولاتهون صلّح لـي مـن البـنّ بريّـه

صحيح البناخي مايؤمّر علـى العمّـان
لكنّك ياعميّ رجـل روحـه رياضيّـه

تعذر المهوجس لا أشغله ساجع الالحان
لاغيّب ودش اجواء القصيـد الخياليّـه

ماعاد ايعرف سلطان من صاحبه سلمان
ياكون البيوت الليّ من البـدع ممليّـه

وانا والله ان قد ليّ وانا للغنى شفقـان
بعد مانتهى الشهر الفضيل ومساعيّـه

وجا العيد جعل الله يعيده على الاوطان
بأهليه واشعـوب الخليـج وضواحيّـه

سلامي سلام اسلام ماغاب نجم وبـان
وماحنّت ارعـود السحـاب الركاميّـه

على قوم اخو لجعه حريب الردى راكان
حميد السجايـا مقـدم القـوم فالهيّـه

اكبار الجموع امطوّعت عاصية الارسان
بيومٍ عبوسٍ يفرق الحـيّ مـن حيّـه

هل المدح والناموس من ماضي الازمان
ومطاليق واعلـوم المطاليـق مسميّـه

انا اقدّر العجمـان واوجـب العجمـان
لو ان ماني بعجمي ولا امـيّ بعجميّـه

لكن بيننا حلف ونسب والصحيح اخوان
وربـع ورفاقـه والعـلاقـات وديّــه

نحب امحلفنا حـب عبـدالله لسلطـان
وهـم مثلنـا والحـب فطـره الهيّـه

توثّق محبتنـا المواجيـب والصفطـان
واعلوم الرجال الليّ على الطيب مبنيّـه

ماننقاد للخبلان لارحـم ابـو الخبـلان
سرابيت مافهيـم مـن العقـل ذريّـه

بزارين كل منهـم يحسبنّـه الفهمـان
حفظ له اعلوم وجاك يسـرد حكاويّـه

كتب له قصيده كلها حكي مالـه شـان
وهو خارج انطـاق الحـدود المحليّـه

يشب الحطب وايروح ماكن شيٍ كـان
وتبلش بـه اكبـار العقـول بدعوايّـه

وهو لوّ تهوشه فالعصى طوّح السيقان
حذف غترتـه واللـيّ تشلّـه مخابيّـه

راع الفعل مايقدم على الزور والبهتـان
ولايبخس احقـوق الرياجيـل موليـه

يعرف الاصول ويكرم الجار والضيفـان
وبتّـاع لاعالـو عـيـال الحرامـيّـه

مايجحد افعول اهل المواجيب والعرفان
ياكون الرخوم امن العـروق الدوينيّـه

لفت دعوت الداعـي ولبيتهـا طربـان
والمصافـح الوفيـن نفسـي شفاويـه

وانا باسم قومٍ فاللقا تتعـب الفرسـان
اكبار المحازم طور الارض ورواسيـه

بني هاجر والساس من عالية قحطـان
احصون الظفـر وامزبنيـن الجلاويـه

تحيّة وفا واخلاص تسمو بلا جنحـان
عليكـم ياقـومٍ بالوفـا نارهـم حيّـه





صح لسان ابو محمد وكفو بالعجمان ويستاهلون مليار نعم

[YAMI IN MIAMI]

صح لسان قايلها.....ومشكوره على النقل

[مسفر مبارك]

صح لسان قايلها ولا هنتي على طرحهـا ........!
:

[الغروب]

بنت قروم

مشكورة على جزل ماقدمتي وصح لسان شاعرها

شكري وتقديري

[حمد المحفوظي]

صح لسااااااان قايلها

ولاهنتي ع النقل

[ابوعبدالرحمـن]

السلام عليكم ورحمة الله وبركاته

ونعم في محلف وستين نعم في بني هاجر وصح لسان الشاعر وشكرآ يا بنت القروم على النقل

[خلاوي الشمالي]

لاهنتي على ماقدمتي

وصح لسان شاعرها

[الشيخه]

مايجحد افعول اهل المواجيب والعرفان
ياكون الرخوم امن العـروق الدوينيّـه

لفت دعوت الداعـي ولبيتهـا طربـان
والمصافـح الوفيـن نفسـي شفاويـه

وانا باسم قومٍ فاللقا تتعـب الفرسـان
اكبار المحازم طور الارض ورواسيـه

بني هاجر والساس من عالية قحطـان
احصون الظفـر وامزبنيـن الجلاويـه

تحيّة وفا واخلاص تسمو بلا جنحـان
عليكـم ياقـومٍ بالوفـا نارهـم حيّـه



صح الله اللسان شاعرها ولاهنتى يالغلا على الطرح الرائع


كفوووووووووووووووو يا بنى هاجر ونعم فيكم


ياحبنى لهم

تحياتى لك