رد مهذل الصقور اليامي على من انكر وجود شعراء يام..........

[دوس ابن كتامه]

بسم الله الرحمن الرحيم





كم يدعون الشعـر نـاسٍ قلاسيـس
واطين الاصل مضيعيـن المبـادي
يسعـون للشهـرة يبـون النواميـس
وقالو حن الشعار علم(ن) وكـادي
أقلامهم مـن وارد اسـواق باريـس
أردى قلم معهم على الالـف زادي
تجمعـوا بقلامـهـم والقراطـيـس
وقالو رومنسييـن والجـو هـادي
من بعـد ماكانـوا عـراةٍ مخاليـس
تعلمـوا لبـس الثيـاب الجـدادي
تقـول رهبـانٍ يدقـون النواقيـس
على ضفاف النيل والبـدر بـادي
تقول من سمار كسـرى ورمسيـس
يحكون اساطيـر الامـم والبـلادي
ماكنهم الا شالو لواء امـرؤ القيـس
والا اتاهم وحـي قيـس الايـادي
قصيدهـم تافـة بكـل المقايـيـس
اذا غـدى للشعـر نـدوة ونـادي
أمثالهـم يبقـون خلـف الكواليـس
تبرى الصحف منهم وتبرى الروادي
ناس(ن) من الشعر المعرب مفاليـس
مثل اللذي يبغـى يعـد الجـرادي
شعر(ن) يبعثرة الهـوى والنسانيـس
وشعر(ن) تصفق له قلوب العبادي
أن الشعر وحي(ن) يحرك لحاسيـس
كـذاب شعـرٍ مايهـز الـفـوادي
كـذب شعـرٍ مايـدك الهواجـيـس
كذاب من لا قال وابـدع واجـادي
أندرس اللي يجهل الشعـر تدريـس
وادي على وادي على الفيـن وادي
ونستيسر الغاويـن واولهـم ابليـس
من قبـل تخلـق ثمـودٍ وعـادي
مقدس(ن) ياشعـر همـدان تقديـس
ويام(ن) تسابي عروتـك بالأيـادي
والخيل تشهـد والبكـار المعابيـس
والرمح يشهد والرسـن والشـدادي
وتشهد نجوم(ن) علقـت كالفوانيـس
تضوي لأرم ثمـود ذات العمـادي
أحرار نطوي الارض والا محابيـس
قصيدنا عنـد الحضـر والبـوادي
وكم يدعون الشعر ناس(ن) قلاسيس
واطين الاصل مضيعيـن المبـادي



وسلامتكم.......................

[عاشق العليا]

لاهنت يادوس ابن كتامه
وصح اللسان ابن مهذل
وعادة له مخلفة من قديم هل الحميا

[@زايد بن ألغز@]

بيض الله وجه أمير الشعر وصح لسانه على القصيده الجزله وحن ما تعودنا من ابومهدي الا الجزاله 00الله يخارجك يا مهذل انت ومن معك انشاء الله00000

ولاهنت يا دوس بن كتامه على النقل للقصيده

تقبل تحياتي

@زايد الغزي@