مدري ( تفو ) هي مدح ولاّ شتيمـة .؟

[مانع الوعيلي]

مدري ( تفو ) هي مدح ولاّ شتيمـة







� وردنـي تالـي الـليـل جــوال................




................ وانا على شاهي وبسكـوت ديمـة




الرقم بايخ لكـن الــصــوت قــتـال................




................كنــه مثل صـوت المذيعـة حليمـة


قــالت مساء الخير يـا طيّـب الفـال ................



................قـلـت ارحــبـي تــرحيبـةٍ مستديمـة



بـالـعــود والصفـري ودلـة وفنجـال................




................واجـبـك يا بنت الأصـول الكريمـة




وردت بضحكة ثم قالت وش الحـال؟................



................ قلت اشهد إن الحال عقبك سقيمـة



قالت وهي تضحك بعد مثل الأطفال................



................وانـــا بـعـــد كــنــي بــدونـك يتيمـة



مـــن يـوم قـالـتهـا تزلزلـت زلـزال................



................مــن فجعتي كنـي مسـوي جريمـة



قلت ارفعي صوتك ترى مابه ارسال................



................كـــذاب لــكـنّ المصيبـة عظيمـة



قالت أقول اسمع ترى هرجنـا طـال................



................مــمكـن تصاحبنـي ترانـي وسيمـة



واسمي الحقيقي أول حروفـه الـدال ................




................لــكـــن يسمّونـي البنـات الزعيمـة




صحيح أحب الفخفخة واعشق المال................




................لكـن ترانـي طــاهــرة مستقيـمـة




ما عندي امغازل ولا( لعب يهّـال )................




................ما عندي إلا في الشرف والحشيمـة




بس الصراحة قلبي لشوفتـك مـال................




................واصبحت وحدك جالسٍ في صميمه




فكّر بعقلك واترك القيـل والقـال................



................واحذر تطيع اهل العقـول العقيمـة



وارسل علي الحين خمسميـة ريـال................



................أشحن بهـا جـوال أختـي غنيمـة



أو طقم غالي فيه خاتـم وسلسـال................



................أروح بـه فـي عـرس ولاّ عزيمـة



قلت الحقيقة مانيب رجـل أعمـال................



................ولانـي بتاجـر والمـوارد عديـمـة



أنا الصراحة شبـه عطّـال بطّـال................



................وعلاقتـي بالفــقـــر جـداً حميـمـة



والراتب الله يرحم الحـال مـا زال................



................محـدود والمصـروف ربـي عليمـه



والــديـن بـالآلاف والبنـك شغّـال................



................يــاكـل فـلـوسـي بالربـا والظليمـة



والسوق طايح والغلا ضيّـق البـال................



................والموت والله صايـر اكبـر غنيمـة



قالت تحمّل بـس والحمـل ينشـال................



................خلك شديد الباس صلـب العزيمـة



ياخي تصرّف جعلك اتصيـر نشّـال................



................أهـــــم شــي إن النوايـا سليـمـة



لابــد تـفـهمني علـى كـل الأحـوال................



................ما دمت من أهل العقـول الفهيمـة



قلت إيه والله فاهم اللي على البـال................



................لــكــن تــرى هـذي علينـا قديمـة



يــا بـنت هـذا صايـر اليـوم مـوال................



................للي تبي تلعب علـى ابـن اللئيمـة



يا بـنــت ما تدرين كـم فيـه محتـال................



................يلعب على الحبلين وانتـي غشيمـة



يا بنت كم من جاهلة دمعها سـال................



................من عقب ما جات العواقب وخيمـة



والبنت لا اقتفى عرضها بيد الأنـذال................


................ والله مــا يــبـقـى لهـا أي قيـمـة



قالت تبي ولاّ فـ خـلّك علـى جـال.

...............................مهوب ناقصـني نصايـح حكيمـة




عز الله إنك للأسف منـت رجّـال................



................وانك قليل الذوق ما فيـك شيمـة



يا لعنبو اللي مـا يسطّـرك بنعـال................



................حــتـى يـعـلمـك الغـزل يـا بهيمـة



( تفو ) عليك وصكّت الخط في الحال................




................مدري ( تفو ) هي مدح ولاّ شتيمـة





وسلامتكم..

[ِِِAL 3ajmiah]

وانت سالم ..صح لساان قايلها ولسانك لاهنت ...

[مانع الوعيلي]

لاهنتي يالعجمية على المرور ويعطيش الف عااااافية

[سمو الرووح]

لا رحم ابوها والله الي شتمته .. والله إنها ضحكتني حييييييييييل هل الكلمة .. المسامحه.


لاهنت على نقل القصيدة وصح الله السان قايلها

دمت بخير وعافية.

[مانع الوعيلي]

لاهنتي ياسمو الروح على المرور ويعطيش الف عااااااافية

[ناثرة الورد]

{ مانع الوعيلي }

.•.

يســلم لـنـأ هالــذوق على هالاختـيـأإأر الرائـع ..

الله يواليكـ العافيه.. وعسـآكـ عالقــوهـ .. ولاتحرمـنــآ جديدكـ

دمت ودآمـ توآجدكـ عطرآ لصفحـآت المنتدى ..

ولاعدمـنـآروعـتكـ وتـمـيزكـ ’’

...

[راكان اليامي]

لاهنت ياوعيلي وصح لسان قايلها عزالله انها في الصميم في القصيده

[مانع الوعيلي]

ناثرة الورد لاهنتي على المرور ويعطيش الف عاااااااافيه

[مانع الوعيلي]

راكان اليامي لاهنت على المرور ويعطيك العااافية

[عاليه الاخلاق]

صح لسان قايلها
ويعطيك الف عافيه قصيدة رائعة بروعتك
اعجبني هذا البيت لنه فيه حكمه
فكّر بعقلك واترك القيل والقال
واحذر تطيع اهل العقول العقيمة

تقبل ارق تحياتي