ياصاحبي
----------------------------------------------------------------------------
خيلت لي بخيال واصبح على ماش = وانا رجاوي حاسب انـه سديـدي
عذلت قلبي وعيني تكثر بالارماش = واحترت بين العين وقلبٍ زهيـدي
عودت اشيل الحمل واجلي بالادباش = وادور ديـار الحيـا لـو بعيـدي
ياصاحبي انهض ترى الوقت نياش = نوشه وصف قلبي ومثلك عضيدي
صداقتنا ماهي كما طاش ماطاش = صداقتنا على الطيب ونظم القصيدي
ياصاحبي ماني معوٌد على اعراش = لاتحسب العربان عندك عبيدي
ماني بجاحدك ولاني بمنحاش = لكن نويت ارحل نويت الشديدي
بيوت العز دايم لنا لحاف وفراش = ولا صحبتن تزيد العيد عيدي
تراني ماجامـل ولانـي بغشـاش = ولاني على ما قيل مشتال كيـدي
ابيع واشري بالنقا مااخـذ ابـلاش = ما اخلي الواجب وعارف سنيـدي
وسلامتكم
اخوكم
الشاعر: انور الشيخ