مرثية الشاعر سالم بن جخير في الشيخ زايد رحمه الله:-
للشعر حزه واشهد ان حزته جات *** احس فـي راسـي رحـى مستديـره
مابين نبرة حزن ودمـوع وآهـات *** الوجه شاحـب والنواظـر ضريـره
خلوني ابكي وانثر الدمع بسكـات *** مـا للحـزن غيـر الدمـوع الغزيـره
واكتب بدمي واقهر الحزن ببيـات *** واسل سيف الشعر واحذف جفيره
وابـث شعـري مثـل بـث القـنـوات *** هيـا سمعونـي يالجمـوع الغفـيـره
لامـات زايـد ذكـره الحـي مـامـات *** بقلـوب خلـق الله فــي كــل ديــره
بقلوبنا يبقى علـى طـول الاوقـات *** لاغــاب عـنـا تـذكـره كــل سـيـره
شيـخ المراجـل والوفـا والمـروات *** زودٍ علـى طيـبـه محـكّـم ضمـيـره
يعطـي لـوجـه الله رب السـمـوات *** يمنـاه مـن كثـر العطـايـا شهـيـره
كـل المزايـا الطيبـه فـيـه بـالـذات *** ماكن فيـه انسـان فـالأرض غيـره
عز وكرم واخـلاق هيبـه ووقفـات *** واشيـاء ماتحـصـى لأنـهـا كثـيـره
انشهد انـه فـوق روس المنيفـات *** دايـم علـى درب المعالـي مسـيـره
اقولهـا وفعـولـه شـهـود واثـبـات *** ومابـاقـي الا الكلمتـيـن الاخـيــره
ترى العزا ماهو لشعـب الامـارات *** تكفـون عـزو كـل شعـب الجزيـره
25-09-2006, 04:01 PM
العرض الشجري
المواضيع المتشابهه
