@!@ [قصيدة صوتيه] نفداش @!@

[راكان اليامي]

جعل قلبي ما ايتهنا بعودش=إن كان غبتي عن خيالي ثواني

ياللي عيونش والمشاعر جنودش=تغزين فيها "محمد الزعفراني"

قولي فديتش كان بالغزو فودش=باعطيش كلي والمشاعر ضماني

واعاهدش لا .. ما تعدّى حدودش=وما باعترض لو احتللتي مكاني

مابي قضيه اشتكي من قيودش=لانه قيودش أعتبرها أماني

ياللي حياتي ممطره من رعودش=والروح تنشد في غرامش أغاني

وليا ضحكتي الغنج ما يكودش=جِعِلْني أفدى ضحكت المودماني

غمازتينٍ زيّـنتها خدودش=وسنون لولي زيّـنتها الثمانِ

يا ليت جدي واحدٍ من جدودش=ولا آخر اسمش " يامي أو " اقحطاني"

وأكون ملكش والهوى اللي يقودش=وإنتي بحياتي زهرة القحوياني

يعجبني الدل والثقل في ركودش=واحساسش اللي ما خلق منه ثاني

وتعجبني الحكمه ..ولطفش وجودش=وعيونش اللي لخبطت لي كياني

والشاهد الله ما أحس ببرودش=رغم الكلام اللي توارد وجاني

قالوا " ثقيله " والثقل من عقودش=قلت اعذروها يا ملا الكون فاني

خلوها تثقل وادري إني بنودش=بافقد حنانش يا مظنّة حناني

لكن أباصبر .. المهم بس وجودش=وإني الوحيد اللي بقلبش .. وأناني

أعشق شذى عطرش وريحة ورودش=واعشق غرامٍ من عرفتش لفاني

حتى قصيدي يكتمل من ردودش=ولوما تردي ينتقص به معاني

أنا أحبش والتواصل يزودش=عندي غلاوه وبغرامي تفاني

وأكبر عيوبش لا نقضتي وعودش=يذبحني الشوق والهوى والأماني

نفداش نفداش لا تخلين مودش=يلعب بنا السبله ونرجع نعاني

نشكي همومٍ كلها صدودش=يكفي نصيبٍ ما بغيته نصاني

أبعدني عنش .. ما كفاني شرودش= كلما أحاكيش .. أسكت وما مداني

أبوح لش باللي فعل بي جحودش= وإني أحبش لو فؤادش نساني




لحفظ الملف الصوتي اضغط بزر الفأرة الأيمن على الرابط أدناه واحفظ الهدف باسم ..

http://www.geocities.com/zafranm/nafdash.ram
أو حمل هذا الملف المضغوط
http://www.tl3b.com/uploads/03-16-07~rawweq.zip


http://www.geocities.com/zafranm/rose.gif

[مهرة النسيان]

غمازتينٍ زيّـنتها خدودش
\
/
\
/
وسنون لولي زيّـنتها الثمانِ


الله على الوصف والله على الوشوشه ..


شكرا راكان ..

[مسعطر]

صح لسان الشعر و أشكرك أخي راكان
اليامي على النقل تقبل مروري.

[عنـَـاد]

لآلآلآهنت راكان


//

[الملكة]

صح لسان الشاعر..>>> من؟؟
قصيده اوصاف.. ووشوشه..
وماقصرت.. راكان اليامي..

[عـسـاه خـيـر]

لاهنت يا راكان على النقل وصح السان شاعرهـا ,,

[بطاح]

مشكور يا ركان على ذا القصيدة وش وش

[راكان اليامي]

مشكــــــورين على الردود الطيبه