اليل طرف وانا واليل خلاني=من بيننا خوت(ن) ماني بناسيها
اخاوي اليل والا اليل خاواني=لاشك خوة جويدات(ن) مبانيها
اسري مع اليل مسرى الذيب سرحاني=والرجل دايم على الطرقة مضريها
وارقى المراقيب واهوجس ووحداني=وان قلت صاحي على مجنون وش فيها
مدام قلبي نضيف وحافض الساني=ياللة لك الحمد بولها وتاليها
مالحقني شي دام اني انا الثاني =وابوى الاول وكلن شاهد(ن)فيها
الراس طيب وفعل العود بطراني=والرجل في الموقف الغصاب نثنيها
خل الذي ما عرف قدري ولا شاني= كلمتّة بين النشاما لا يغطيها
حان الوعد والقصايد قافها زاني= مالك مجالن تصدد عن قوافيها
ولا تحسب انا على ماقيل عدواني=حنا نعز الصداقة ما نوطيها
حنا المرازيق يوم الوقت مازاني=افعالنا كل خلق اللة تطريها
حنا المرازيق وابك الشيخ راكاني=قبايل(ن) في ذرانا كم نذريها
طعني وجنب وخل الموقف الداني=بعض الطواريق طعني لا تغنيها
وان كان عزمت كررها وتلقاني=والنار ماتاكل الا رجل واطيها