مساكم الله بالخير
حبيت اختارلكم هذه القصيدة وعسى ان تحوز على رضاكم
وهي من قصائد الشاعر ..... حمد بن دريب آل ضاعن
لا ابتديت ابدى بذكره واللتجئ له=اللتجي له من عنا الدنيا الاهي
شاكر فضله ولا اطلب بديله=يغفر الذنب ويجنبني متاهي
يافتى شب الحطب هاك الفتيله=واضبط الدله مع براد شاهي
هاجس القيفان في راسي سقيله=والعقل عن ماجرى ماهوب واهي
لابغيت الشعر ياتيني واجيله=شاعر مثل البحر مبدع وراهي
انتقي في الشعر واخذ من جزيله=واتخير بين ذرب وبين زاهي
طاعة الرحمن في الدنيا جميله=واحمدالله مابدى مني تراهي
والسعيد المجد يبغيله وسيله=والمراجل دونها ماني بلاهي
لاثقل حملي اوقف له واشيله=داهية فعل ومن رجال دواهي
ياضعيف النفس مافي يديك حيله=غير خبثك فيك ماشد انتباهي
من كثير الهم ماتحمل قليله=لو تصير بديرتك آمر وناهي
مساعد منت خيال الاصيلة=ليه ادور في القصيد احمد وناهي
بسرق ابيوتك ولا فيها فشيله=والسوالف بينا تحت السواهي
يا مساعد علمه قبل ارتكيله=قله ابن دريب ما عنى تباهي
واني اكبر من سواليف الرذيله=حاشم(ن) اسمي وعارف ويش جاهي
واكتب بيوت الشعر من قبل اجيله=عاده صغيرون يلعب في الملاهي
يوم قافه مايجيب الا الهزيله=مايعرف الا اللعب ولا المقاهي
يا مساعد فهمه ان الحصيله=من قصيده قافها ايله واآهي
قابل الرجال لو ما انت بقبيله=موت بالعزه ولا تغدر بساهي