جزل القصايد

[عبداللطيف الفضلي]

بديت القول بسم الله وارحـب وابدع الأمثـال = جميلات القصايد تعـجب السامـع مـثايـلـهـا

كتبت الشعر رايـق هـأيـمٍ بـه واسـحبه موّال = وانا كيفي لحونٍ بالـطرب لاصـرت شايلها

أنا طربان ياربـعـي عـلـى وزنـيـة الـيـامـال = أجر الصوت واتخـيّر قصيدي من جزايلها

جزايل في معانيها تـعـلـّت عـالـي الـمـنـزال = صعيباتٍ على الهـافي ولا حتى يـخـأيـلـهـا

جزايل تمدح اللي لـلـثـقــايــل دايــمٍ شــيّــال = قويّ العزم ما تصعـب على عزمه ثقايلـهـا

تربى في بيوت العز من صغره وهو رجّال = شرب سلم العرب فنجال ما يرضى بدايلها

ليا صلى الفجر سكّب وهيّل بالمضيف دلال = على هاك الوجار اللي تسعّر به شـعـأيـلـها

كريمٍ بالعسر واليا دعته الـــمـعـركـة خـيّـال = ليـا منّه صـهـل خـيلـه يـثـوّر مـع فـتـأيـلها

ألا ياسامعي فكّر وخذ من طــيّــب الأقــوال = ترى الذكرى لها داعي على شتى وسايلها

عليك ابطيّب الجدين زاكي العم ويا الــخـال = تجمّل وازرع المعروف تجني من فسايلها

تحصل من تعزوابه الى منّ الدهر بك مــال = ترى بعض العرب دايم تهوّل من فـعـايلها

ختمت القول اصلي والقوافي بالصدر تجتال = على سيد البشر تعداد ما هـلـت هـمـايلـهـا


الشاعر/عبداللطيف بن سعد العلي الفضلي
27/1/1429هـ

[فالك طيب]

الشاعر / عبداللطيف الفضلي

جزله جزله هالابيات الحلوه

كل يوم تمتعنا فيما تقدم أخي الكريم

وصح لسانك

وفالك طيب

[عبداللطيف الفضلي]

فالك طيب صح بدنك

هذا من ذوقك يالطيب


لك مني أجمل تحية