ساعدوني

[غزواان]

السلام عليكم ورحمة الله وبركاته

صبحكم مساكم الله بالخير..

ودي بزيارة للكويت وسفري حيكون عن طريق البر وقالوا به طريقين واحد طريق الخفجي والثاني حفر الباطن

.ايهما افضل وانا بسافر عن طريق الشرقية .وهم بعد ابي سكن عايلي مريح ونظيف وهم بعد ابي اماكن

التسوق يعني اهم المولات..واذا كان به سكن قريب مستشفى طيبه او قطعة 11 بصباح السالم. شاكر ومقدر

لكم ذلك

[سمو الرووح]

عليكم السلام ورحمة الله وبركاته

وصباحك خير وبركة

غزواان

حياك الله

أنا موب من الكويت ولا قد رحت طريق بر بس اكيد الأخوان مراح يقصرون وياك كلهم خير وبركة

اتمنى لك سفره ممتعه وسياحة مفرحه بالكويت ان شاء الله

والله ويااك.

[عليل المحبه]

حياك الله يالغالي

ودامك من الشرقيه اكيد الاقرب هو طريق الخفجي
وبخصوص القرب اة البعد لاتحاتي الكويت ابعد مشوار مايجي نص ساعه
الديره صغيره وبخصوص الاسواق عندنا سوق المباركيه قديم ومعروف وفيه مطاعم
شعبيه وقعدات حلوه . .

ومجمع الافنيوز طبعا مجمع معروف ويستحق الزياره
ومجمع الكوت في منطقة الفحيحيل
ومجمع المارينا على شارع الخليج
وسوق الفحيحيل اسعار معقوله وواسع وكل شي موجود فيه


وبخصوص السكن هناك الفنادق العالميه مثل الهلتون بمنطقة المنقف مكان قريب للفحيحيل
وعلى البحر انصحك فيه . .


وفندق بمجمع اسمه المنشر وسط الفحيحيل راقي ووسط السوق




وحييياك الله في ديرتك . .

[فهيد الكفيف]

المشاركة الأصلية كتبت بواسطة غزواان

السلام عليكم ورحمة الله وبركاته

صبحكم مساكم الله بالخير..

ودي بزيارة للكويت وسفري حيكون عن طريق البر وقالوا به طريقين واحد طريق الخفجي والثاني حفر الباطن

.ايهما افضل وانا بسافر عن طريق الشرقية .وهم بعد ابي سكن عايلي مريح ونظيف وهم بعد ابي اماكن

التسوق يعني اهم المولات..واذا كان به سكن قريب مستشفى طيبه او قطعة 11 بصباح السالم. شاكر ومقدر

لكم ذلك

وعليكم السلام ورحمة الله وبركاته


تنور الكويت بجيتك



مثل ما قال الاخ عليل المحبه دامك جاي من صوب الشرقيه فطريق الخفجي اقرب لك

واحب اضيف على ما تفضل به اخوي عليل بالفنادق والسكن



بالنسبه للسكن

اقرب شي ممكن يكون لك لمستشفى طيبه

اما فندق سفير ( الفنطاس )

او الشقق الفندقيه في منطقة الفنطاس مثل ( تراس ) وغيرها
وفيه كذلك في منطقة المهبوله شقق فندقيه مثل ( وهج - لماك ...الخ )

وطبعا اسعار الشقق الفندقيه ارخص من الفنادق


اما بالنسبه للمولات والتسوق


اضافه لما قاله اخي عليل


عندك شارع سالم المبارك بالسالميه راح تلقى عدة مجمعات للتسوق مثل ( الفنار وغيرها )


واي شي ودك تسأل عنه اسأل وان شاء الله نرد عليك باللي تبيه

[غزواان]

المشاركة الأصلية كتبت بواسطة سمو الرووح

عليكم السلام ورحمة الله وبركاته

وصباحك خير وبركة

غزواان

حياك الله

أنا موب من الكويت ولا قد رحت طريق بر بس اكيد الأخوان مراح يقصرون وياك كلهم خير وبركة

اتمنى لك سفره ممتعه وسياحة مفرحه بالكويت ان شاء الله

والله ويااك.

مرحبا بلديات.مرورك اضاء لي الطريق بعدما تم وصفه من قبل الاخوان لاهنتي يابنت العود

[غزواان]

المشاركة الأصلية كتبت بواسطة عليل المحبه

حياك الله يالغالي

ودامك من الشرقيه اكيد الاقرب هو طريق الخفجي
وبخصوص القرب اة البعد لاتحاتي الكويت ابعد مشوار مايجي نص ساعه
الديره صغيره وبخصوص الاسواق عندنا سوق المباركيه قديم ومعروف وفيه مطاعم
شعبيه وقعدات حلوه . .

ومجمع الافنيوز طبعا مجمع معروف ويستحق الزياره
ومجمع الكوت في منطقة الفحيحيل
ومجمع المارينا على شارع الخليج
وسوق الفحيحيل اسعار معقوله وواسع وكل شي موجود فيه


وبخصوص السكن هناك الفنادق العالميه مثل الهلتون بمنطقة المنقف مكان قريب للفحيحيل
وعلى البحر انصحك فيه . .


وفندق بمجمع اسمه المنشر وسط الفحيحيل راقي ووسط السوق




وحييياك الله في ديرتك . .

حياك اخوي دليل المحبه .وشاكر ومقدر على هذا الشرح والتدليل الوافي لكن ودي اسأل عن المسافه من

الخفجي ..وياخوي تراني بدوي معاميلي معي والفنادق ماتجوز لي ابي سكن اخذ راحتي فيه .ولاهنت

على اختيارك

[غزواان]

المشاركة الأصلية كتبت بواسطة فهيد الكفيف

وعليكم السلام ورحمة الله وبركاته


تنور الكويت بجيتك



مثل ما قال الاخ عليل المحبه دامك جاي من صوب الشرقيه فطريق الخفجي اقرب لك

واحب اضيف على ما تفضل به اخوي عليل بالفنادق والسكن



بالنسبه للسكن

اقرب شي ممكن يكون لك لمستشفى طيبه

اما فندق سفير ( الفنطاس )

او الشقق الفندقيه في منطقة الفنطاس مثل ( تراس ) وغيرها
وفيه كذلك في منطقة المهبوله شقق فندقيه مثل ( وهج - لماك ...الخ )

وطبعا اسعار الشقق الفندقيه ارخص من الفنادق


اما بالنسبه للمولات والتسوق


اضافه لما قاله اخي عليل


عندك شارع سالم المبارك بالسالميه راح تلقى عدة مجمعات للتسوق مثل ( الفنار وغيرها )


واي شي ودك تسأل عنه اسأل وان شاء الله نرد عليك باللي تبيه

هلا اخوي فهد المبصر .جوزيت خيرا وإزددت شكرا وزوجت بكرا على ما وافيتني به من معلومات .ولكن باقي

سؤال صغيييييييييييييييييييير وهو محلات بيع الورد الطائفي وين هي فيه

[الجلمود]

ما قصروا الاخوان في الشرح ..

بالنسبة للمسافة مافيه مسافة ..

من منفذ الخفجي ( والنويصيب ) للفحيحيل والاحمدي .. تقريبا 80 كيلوا تقريبا ساعة وماشي على الراحة ..

وما اوصيك بمطعم القيصر تلقاه في برج حمود .. او في الفروانية مقابل الجمعية ..

مأكولات بحرية .. اطلب شوربة كريمة الدجاج .. وربيان مقلي .. أو قوله (تش تش) وهو يفهم عليك

والمقبلات براحتك بس انصحك بتوست الربيان ..

وبعد العشا تحلي بسلطة فواكه ..

بالنسبة للتمشي ..

لا تخلي وقتك كله مجمعات ..

طبعا تقدر تروح على البحر في شارع الخليج .. وتلقى عندها المعهد العلمي .. تقدر تدشه ..

طبعا السينما موجودة في كل المجمعات اللي اذكروها الشباب ..

وما اوصيك اذا عائلة تمر على المدينة الترفيهية .. بالدوحه ..

وبالنسبة للمخيمات في اجار .. بس مالك داعي مخيمات الحين ..

ولزق علم الكويت في السيارة وشب الفلشر ودق دق هرنات .. تلقى مسيرة مصطفة وراك وانت ما تدري



تحيتي

[غزواان]

المشاركة الأصلية كتبت بواسطة الجلمود

ما قصروا الاخوان في الشرح ..

بالنسبة للمسافة مافيه مسافة ..

من منفذ الخفجي ( والنويصيب ) للفحيحيل والاحمدي .. تقريبا 80 كيلوا تقريبا ساعة وماشي على الراحة ..

وما اوصيك بمطعم القيصر تلقاه في برج حمود .. او في الفروانية مقابل الجمعية ..

مأكولات بحرية .. اطلب شوربة كريمة الدجاج .. وربيان مقلي .. أو قوله (تش تش) وهو يفهم عليك

والمقبلات براحتك بس انصحك بتوست الربيان ..

وبعد العشا تحلي بسلطة فواكه ..

بالنسبة للتمشي ..

لا تخلي وقتك كله مجمعات ..

طبعا تقدر تروح على البحر في شارع الخليج .. وتلقى عندها المعهد العلمي .. تقدر تدشه ..

طبعا السينما موجودة في كل المجمعات اللي اذكروها الشباب ..

وما اوصيك اذا عائلة تمر على المدينة الترفيهية .. بالدوحه ..

وبالنسبة للمخيمات في اجار .. بس مالك داعي مخيمات الحين ..

ولزق علم الكويت في السيارة وشب الفلشر ودق دق هرنات .. تلقى مسيرة مصطفة وراك وانت ما تدري



تحيتي

حياك اخوي وماقصرت وزدت بحبلهم وصله..

اما الاكلات البحرية ماني صوبها سمكي ضبان وربياني جرابيع .وعلومك ابي اخذ منها واخلي .

وعلم الكويت يستاهل احطه فوق راسي .وهرنات ذا وش هو دق سامري .وماني بحاجة موكب ابوك علومه

ضوت راحت علينا ياليتها باحمالها تقوم ندور للعذر دوره ..

وبالمناسبة ذيك المره حصلت لي شباب وتهقويت فيهم الفزعة ونخيتهم وقلت

يامــن يبـــادلني بعمــري وأزيـــــده :::ويكون عمره في حـراوي الثلاثين

وياخذ خلق عمري وآخذ جديده:: وش لي بعمر قد تعدى الثمانين

وفيهم واحد طلع ملكع وغسل شراعي لكن اشوى ماكان به احد حوالينا .وقال لي

ياعم ياراع العلوم البعيده ::: اهلا هلا بك عد زهر البساتين

وقولك شجاني والمعاني بعيده :::مير الطلب محال يابن الثمانين

تبي تعاود للايام السعيدة :: أيام فيها العشق وطرد المزايين

هذي عليكم يابو محمد بعيده :: ولا حدقبلك بالخلق عاش عمرين

من ذا الذي يعطيك عمر جديده :: ويقبل بعمر طاح وأبلته السنين

مادام ماتقدر تحوش الطريده :: ولا فيك ربح تعاشر الغر والزين

والحوض جف وذابلات وريده :: والمحزم فاضي والخراطيش باللين

وبعد ماتمم قصيدة طالعت في نفسي ورزتها وذا ماعاد لي خوي غير السنافي ومن ذاك اليوم انا وياه

اصحاب مانفترق خوي الجنب حطه على يمناك يجملك في مبداك

[الجلمود]

^
اوووه .. اثاريك .. موديل قديم

السموحه يا الغالي والله احسبنك من اهل المربين والمطبج ..

وصح لسانك وصح لسانه ..

تبيني اسوي لك خط سير رحلة حاضرين ..

ونظام شيبان بعد .. مع بزورتهم

< مرشد سياحي .. مجاني