عادل السالمي وقصيدة ..(خطيب الجماعه)..

[هدادي]

بسم الله الرحمن الرحيم


هذ القصيدة للأخ الشاعر القدير / عادل بن حميد السالمي والمعروف ب (عز الرهيد) ..
احببت ان اشارككم بها في هذا المنتدى الراقي ..

خطيب الجماعة

يقول اشوفك بالمعاذير سلمت
كنك تخيرت .. الرضا والقناعه
كم قلت لك ياصاحبي ماتعلمت
قول النصيحة ماتجيد استماعه
ياللي بمفهوم التحدي تحزمت
خان الزمان.. ولاتخون الشجاعه
قلت المعاند وهم كانك توهمت
والمندفع.. لا تنخدع .. باندفاعه
لي همة تطغى على الروح والا انت
قلب غضيض ولايع الحب لاعه
من هدتي في حبل قيدي تلزمت
ماقلت للصقار.. سمع وطاعه
وان جاتني الزله صفحت وتبسمت
ماحب انا درب الجفا والقطاعه
جرحي قديم وراضي به وعلمت
والوقت لا عدى.. يزيد اتساعه
وان جات للحكمه تحليت بالصمت
وان جات للخطبه خطيب الجماعه
من سالف الدنيا تعهدت واقسمت
لا عاش.. من لا طولته من ذراعه
تراي انا وان دامت الناس مادمت
لابد .. من يوم .. ترد الوداعه
والله لولا عزتي .. ماتكلمت
مير القدر.. صارت علومه تباعه
ماودي.. اندم لا حشا.. ماتندمت
خان الزمان.. ولا تخون الشجاعه

[ابو منيف]

وان جات للحكمه تحليت بالصمت
وان جات للخطبه خطيب الجماعه

صح لسان الشاعر عادل السالمي

ولا هنت يا الغالي على النقل المميز

[هدادي]

.. شـكــ وبارك الله فيك ـــرا لك ..
.. لك مني أجمل تحية ..
.. ولا تهون يابو منيف ..
.. بيض الله وجهك .. وصح لسان شاعرها ..