أحدن ليا شاف أثقل الحمل شالـه
واحدن ليا شاف الثقل قال بعديـن
واحدن قبل تنخـاه يجـدع عقالـه
واحدن بعد نخواك يسقط من العين
واحدن خريش القلب يخشى ظلاله
واحدن شجاع يدوس روس الثعابين
واحدن يصرصر بالصراير ريالـه
واحدن رياله ماعرف وجهته ويـن
واحدن ينومس ذكر طيبه خوالـه
واحدن عمامه من خوالـه برييـن
واحدن قبل ينطـق يثمـن مقالـه
واحدن يلوط لسانه اقصى الدواوين
واحدن قضى ليله يهوجس لحالـه
واحدن قضى في طاعة الرب ثلثين
واحدن يخلي كل امـورك سهالـه
بالقول لكن فعـل ماينفـع بشيـن
واحدن اذا مال الزمن ارتكـا لـه
يثبـت مثـل مايثبتـن الضلاعيـن
وســلامتــكم