يا راكب اللي يعتبر قرة العين

[أبن قيم]

بسم الله الرحمن الرحيم
قصيدة للشاعر علي بن محمد بن قيم آل فطيح ومرسله إلى خاله الشاعر حشان بن مسفر آل فطيح

البارحة عندي غدا الليل ليلين = آحس في جوفي لهيب الحرارة

كنها تخالف بالفواد السكاكين = وألا كما الكبريت يقدح شراره

يا راكب اللي يعتبر قرة العين = فكس آر منوة من يبي شوف داره

موديل سبعة من بعد عام الألفين = في غاية الإبداع بدي وغمارة

ما صنعوه بكوريا والفلبين = جديد ويخالط بياضه سماره

مقاس فل أبشن على الجنب خطين = تفوق بحسنه تفوق جداره

من قو عزمة مركب للسلاطين = يشادي لحر ماكره راس قاره

ما ركبو فوقه صحون ومواعين = راعيه أديب وحافظ له وقاره

ما أستاجره من هو يبيع الفساتين = ولا داج في سوق الذهب والعطارة

يصّل خطاب معطر بالرياحين = يعطى لرجل ما شكى منه جاره

الصاحب المحسوب في العسر واللين = بيته لعطران الشوارب منارة

لا جيت أبو عبدالعزيز أحمر العين = تلقى الدلال مهيلة في وجاره

الحيل وألا البل كبار العثانين = في مجلس للطيب فيه إستدارة

فيه السوالف والحكم والبراهين = ورغوة حليب الذود فوق الغضارة

بعض العرب لو بيته جدار من طين = مدهال لأهل الخير ثابت قراره

وألا الردي لو كان يملك ملايين = ما فيه خير ولو سكن في عمارة

وصل كتابي وأخبره بالمضامين = إشارة والحر يفهم الإشارة

قل له لشوفه راغبين وشفقين = ليت الزمن يسمح لنا بالزيارة

حتى ولو حنا أبعدتنا العناوين = وألا أثرت فينا المدن والحضارة

حن من ديار لها سلوم وقوانين = مثل السفير اللي يمثل سفارة

دار بها تلقى من الزين والشين = للخير شارة ولهل الشر شارة

لازم نصون تراثنا يا مضانين = يا أهل العقل لازم نصيغ العبارة

مثل النحل بين الزهر والبساتين = يخرج رحيق الورد مثل العصارة

أكثر قصيد أجدادنا ما دري وين = يحز في نفس اللبيب إندثاره

والناس في موضوع الآثار صنفين = اللي بنى واللي سعى في دماره

وصلاة ربي عد ألوف المصلين = وعداد من شارك برمي الجمارة

على إمام الحق والعدل والدين = اللي يقع بتراب طيبة مزاره



وسلامتكم


الشاعر علي بن محمد بن قيم بن مبارك آل فطيح

[أبن قيم]

أتمنى أن تحوز القصيدة على رضاءكم وأرجو أن تعجب متذوقي الشعر

[الطويق]

ونعم مليون الرويتني شعر اسمحلي اسميك شاعراليقضه

[أبن قيم]

شكرا أخوي الطويق على مرورك

[أبن قيم]

بسم الله الرحمن الرحيم
قصيدة للشاعر علي بن محمد بن قيم آل فطيح ومرسله إلى خاله الشاعر حشان بن مسفر آل فطيح

البارحة عندي غدا الليل ليلين=آحس في جوفي لهيب الحرارة
كنها تخالف بالفواد السكاكين=وألا كما الكبريت يقدح شراره
يا راكب اللي يعتبر قرة العين=فكس آر منوة من يبي شوف داره
موديل سبعة من بعد عام الألفين=في غاية الإبداع بدي وغمارة
ما صنعوه بكوريا والفلبين=جديد ويخالط بياضه سماره
مقاس فل أبشن على الجنب خطين=تفوق بحسنه تفوق جداره
من قو عزمة مركب للسلاطين=يشادي لحر ماكره راس قاره
ما ركبو فوقه صحون ومواعين=راعيه أديب وحافظ له وقاره
ما أستاجره من هو يبيع الفساتين=ولا داج في سوق الذهب والعطارة
يصّل خطاب معطر بالرياحين=يعطى لرجل ما شكى منه جاره
الصاحب المحسوب في العسر واللين=بيته لعطران الشوارب منارة
لا جيت أبو عبدالعزيز أحمر العين=تلقى الدلال مهيلة في وجاره
الحيل وألا البل كبار العثانين=في مجلس للطيب فيه إستدارة
فيه السوالف والحكم والبراهين=ورغوة حليب الذود فوق الغضارة
بعض العرب لو بيته جدار من طين=مدهال لأهل الخير ثابت قراره
وألا الردي لو كان يملك ملايين=ما فيه خير ولو سكن في عمارة
وصل كتابي وأخبره بالمضامين=إشارة والحر يفهم الإشارة
قل له لشوفه راغبين وشفقين=ليت الزمن يسمح لنا بالزيارة
حتى ولو حنا أبعدتنا العناوين=وألا أثرت فينا المدن والحضارة
حن من ديار لها سلوم وقوانين=مثل السفير اللي يمثل سفارة
دار بها تلقى من الزين والشين=للخير شارة ولهل الشر شارة
لازم نصون تراثنا يا مضانين=يا أهل العقل لازم نصيغ العبارة
مثل النحل بين الزهر والبساتين=يخرج رحيق الورد مثل العصارة
أكثر قصيد أجدادنا ما دري وين=يحز في نفس اللبيب إندثاره
والناس في موضوع الآثار صنفين=اللي بنى واللي سعى في دماره
وصلاة ربي عد ألوف المصلين=وعداد من شارك برمي الجمارة
على إمام الحق والعدل والدين=اللي يقع بتراب طيبة مزاره

وسلامتكم


الشاعر علي بن محمد بن قيم بن مبارك آل فطيح