تساؤلات غايب!

[ليــه يازمـــن]

تساؤلات غايب!

للشاعر فهد الغيداني

يمكن أغيب ولافقدني سواك أنـت

ويمكن بعد حتى انت... ماتفتقدنـي

لكن انا مـن بعـد فقدانك... أيقنـت

اني هنا ضايـع ولاحـدٍ وجدنـي

مر الغياب بخاطري غصب واذعنت

للشعر... يوم الشعر عنّك نشدنـي

ياللي ختلت القلـب حتـى تمكنـت

وأحيان تطلقنـي ونـوب تعقدنـي

ياللي زرعت الحب فيني وانا كنت

انبت وفا! وانت بيديك تحصدنـي

ياللي بديت الوصل وش فيك هوّنت

ما قلت لك ف بداية الحب... زدني

فيني قلبت الامن خـوف وتفننـت

في عزلتي عنـي ولاحـدٍ سندنـي

ومن يوم غبت احسنـي لا تمعّنـت

في صورتك كل الهمـوم تهجدنـي

وبين الألم والآه عشـت وتوطنـت

كنّ الوجع من وسط جوفه ولدنـي

يمكن اغيب ولانفقد بس كيف انـت

تقدر تعيش بعيـد... ماتفتقدنـي الرفة

ممــا راق لــي

[وافي بن وافي]

صح لسان الشاعر وسلمت يداك لك مني أجمل تحية .

[عابرة سبيل]

..




صح لسان الشاعر الغيداني
وتسلم يمناك على النقل المميز
وبإنتظار الجديد
لا عدمناك








..

[ليــه يازمـــن]

مشــكورين على المرور... والله يعــطيكم العــافيه...

[الغروب]

ليه يازمن

اختيار مميز لقصيدة جميلة

وصح لسان الشاعر فهد الغيداني

[ناثرة الورد]

{{ ليـه يـازمـن }}
/
\
/
مشكور على هالقصيده الرائـ ع ــه
الله يـ ع ـطيك الـ ع ـافيه
وعساك على القوه
ننتظر جديدك المميز
/
\
/
كل التحـــيهـ

[ليــه يازمـــن]

مشــكورين على المرور... والله يعــطيكم العافيــه...