شيلة يا محاول كسر القلوب المواليف .. للشاعر عبيد أبو شيبه

[عبدالله آل عامر]

بسم الله الرحمن الرحيم
:
أسعد الله أوقاتكم اخواني وأخواتي أعضاء وزوار مجالس قبيلة العجمان بكل خير
:
أقدم لكم هذه الشيلة الحصرية من كلمات الشاعر: عبيد أبو شيبه وأتمنى تعجبكم
:

يا محـاول كسـر القلـوب المواليـف=وزرع الشقا بيـن الوليـف ووليفـه
ما غيـر الواقـع نميمـة وتحـريـف=ولا زعـزع الغربـي جبـال منيفـة
تاصل حبالي لـو فقـدت المجاديـف=يا ريـف قلبـي يـا هـواه وخريـفـه
لك منزل بيـن الضلـوع المهاديـف=وقصة غرامٍ في خفوقـي طريفـة
ماعاد فيني صبر والصبـر ماعيـف=مغرم وذايـب فـي عيونٍ عفيفـة
أبدي وأعدي فـي طـوال المشاريـف=اللـي علـى غيـر النـداوي كليفـة
واقـول بعـد اللهم رحمـه وتخفيـف=وأجر صوتٍ مـن حليـف لحليفـه
وآطا الخطر وأرسي على شاطي السيف=وأداوي جـروح الطعـون العنيـفـة
حب الشرف يثمر مع الوقت تشريـف=وإلا الـردي ما لـي بسوقـه وضيفـه
نسمت غلاك تلطـف الجـو تلطيـف=برقٍ سـرا يطـرب فـوادي رفيفـه
عجزت لحصي فيك كـل التواصيـف=يالماسة اللـي فـي يديـن الخليفـة
مصيونةٍ عن عاتيـات العواصيـف=في جـوف زهريـة وقطـن وقطيفـة

:

:
للتحميل اضغط هنا
:
تقبلوا تحياتي واحترامي
:

[ابوعبدالرحمـن]

عبدالله آل عامر
إختيار متميز كعادتك
لاهنت

[عبدالله آل عامر]

لاندمت يابوعبدالرحمن والأميز والله مرورك وتشريفك
:

[فيصل العجمي]

أبو سراج...

مميز فاختيارك كما عهدناك...

والطيب ما يجيب إلا الطيب...

لاهنت...

[ليــه يازمـــن]

لاهنت

والله يعطيك العافيه

تقبل تحياتي

[الغروب]

عبدالله آل عامر

اشكرك على الاختيار الرائع

دمت بخير.

[هادي بن فهاد]

عبدالله آل عامر, لاهنت على الشيله طال عمرك

تحياتي

[عبدالله آل عامر]

لاندمتوا جميع والله يعافيكم
:
تسلمون على تشريفكم
:

[البندري القحطاني]

لاهنت .. عبدالله آل عامر .. على الشيله

الحلوهـ ..

[عبدالله آل عامر]

لاندمتِ أختي البندري وتسلمين على مرورش
: