شف حمد راح " الخميس وجمعته " لــ حمد بن قريـان

[سعود الخويطري]

السلام عليكم ورحمة الله وبركاته


قصيده لـ الشاعر الكبير : حمد بن قريان ال خويطر العجمي " بارود "


أهداء لكم و لـ مجالس العجمان . . لعل أن تحوز على رضاكم وأعجابكم :

أنـت كوكـب ذا البلـد ياشمعتـه = ماعليك مـن الجمـال المستعـار
خل من وجهـه يزبـرق لمعتـه = راعي المكياج من وجهـك يغـار
لو جرت من فـوق خـدّه دمعتـه = " أختلط بودر حمـاره والصفـار "
وأنت مطلوب الهـواوي وطمعتـه = ماعلـى زينـك تخيّـر واختيـار
وأنت من جدّه عريـب وسمعتـه = شرّعـت مـن دار ٍ لــي دار ٍ ودار
ماشكـو جيـران بيتـه خمعتـه = شيخ ربعه هيبـه وقـدر أووقـار
وأنت جامع زين صعـبٍ جمعتـه = زينكم ورث الصغار مـن الكبـار
والله إن قلبـي عليكـم رمعـتـه = فرخ حرٍ للدعـو نهـّض وطـار
كل ما حظّي وقـف جـت قمعتـه = منـك بالهامـه و حـوّل بإنحـدار
شف حمد راح " الخميس وجمعته " = ما سمع صوتك و حاله فـي دمـار

__________________