في وسـط فـيـضـه والمعـامـيل ! ! !

[عبدالله بن منصر]

السلام عليكم ورحمة الله وبركاته


مشاركة أبيات تعبّر عن عتب هدفه الوصل والمحبه 00 ( المرء على دين خليله فلينظر أحدكم من يخالل ) وأن شاء الله نكون على طاعه ومحبه

* * *



أن كان ماتبغى وصالي وأنا أخيك = يمكن أسويّ مثل ماأنت مسويّ








أنا شعوري يوم أشوفك وأحاكيك = في وسط فيضه والمعاميل تويّ








الله جعل قلبي يحبك ويغليك = على النقا ماهي محبة تلويّ








من يوم شفتك شوف عيني يراعيك = يخايلك كنك مع الصبح نويّ









ياماحلا جلسه معك يوم أراكيك = في مجلسك مرتاح ماضاق جويّ








وأن جيتني أفرح ليا صرت أقهويك = من دلة(ن) سويتها وسط ضويّ









هذا بن منصّر من الشوق يدعيك = ليتك تسويّ مثل ماهو مسويّ






* * *

وسلامتكم

[بن شعيل العدواني]

وأن جيتني أفرح ليا صرت أقهويك
من دلة(ن) سويتها وسط ضـويّ

هذا بن منصّر من الشوق يدعيـك
ليتك تسويّ مثل ماهـو مسـويّ

ونعم فيك يابن منصر وصح لسانك لين ترضى.

ابيات في قمة الروعه لاهنت ياذيبان.

تقبل مروري.

[الغروب]

عبد الله بن منصر

صح لسانك على الابيات الجزلة

ودمت بسمو

[خالد بن رمثان]

صح لسانك يا عبدالله بن منصر


وعلمك غانم و وجهك أبيض


قصيدة وافيه و أنت كفو


ولاهنت .

[سقم الحريب]

صح لسانك يابن منصر
لاهنت

[مناحي الصميل]

يا سلاااام


قمّه يابو سالم


كما عهدناك جزل ورائــع

صح الله لسانك

[الخليفه]

الله الله

يابو سالم

صح الله لسانك

كما عهدتك أبيات رائعه ومعاني اروع

بارك الله فيك ووفقك الله

[الـهـادي]

صح لسااااانك يابوسالم ,,

[\\ الــضآآع ـــني \\]

.

.

ياماحلا جلسه معك يـوم أراكيـك

في مجلسك مرتاح ماضاق جـويّ

وأن جيتني أفرح ليا صرت أقهويك

من دلة(ن) سويتها وسط ضـويّ

ونــعــم والله بــك


وأبــيــآت جــزلــه مــن جــزل


صــح الله لــســآنــك

.

.

[نواف المحفوظي]

صح السانك

والله لاينهينك