السلام عليكم ورحمة الله وبركاته
يسعد صباحكم ومساكم وجميع اوقاتكم ..
الكثير منا يعرف وجهة نظر الرجال !! \ غالبية الشعراء
بـ ماتقدمه المرأه \ الشاعره
من قصائد مرفوضه بالنسبه لهم ..!
لماذا !؟
اليست للمراه مشاعر واحاسيس !!؟
بـ العكس انا ارى ان المراه هي منبع الاحاسيس الرقيقه هي اميرة المشاعر هي من تعايشت مع الكثير من المواقف التي دفعت الشاعر\ الرجل للكتابه !! فـ الفضل لها ولايستطيع اي شخص النكران فـ هل تتوقعون عدم قدرتها على سطرمشاعرها بكلمات ثمينه بمعانيه محافظه على الوزن والقافيه حتى تقدم لنا لوحه فنيه ولا اروع !؟!
فـ المراه وبلا نقاش
تحمل صدق وعطاء وخيال تبحر به بين بحور الشعر لـ ترسوا بقصيده جميل جدا بينما الرجل تجد قصائده 80 بـ المئه وصف ومدح وغزل بـ المرأه والـ 20 المتبقيه حزن والم وحكمه ..!
ولكن المــرأه 99 بـ المئه قصائده تتعطر بـ أجمل وارق المشاعر بـ كل نواحي الشعر من معنى ثمين ..
هل تعتقدون انها عاجزه عن ذلك ..
اسمحوا لي اذااااااااا ..
1 \ الواقعية صفة
الوضع سيء وقلبي حالته حااله =
والناس تقفي وتقبل في دعااويها
والصمت نووخّ بـ صدري واوثق حباله =
احسن ولا اجيب عااليها فواطيها
تزحزح الدمع واغرق عيني بـ جااله =
كنه بحوورٍ تمايل في شواطيها
العلم عند الولي والناس رحااله =
والنفس عافت هوى الدنيا وماافيها
شفت العرب للقشر والشين مياله =
والحظ طيح قصوور كان باانيها
من حب ولا كره ولا يترااواله =
ان الغلاا دنيته حلوه فبلااويهاا
طبق مثل قاله اللي من الزمن قاله =
الرجل تمشي حسب قلبٍ يوديهااا
البارحه ارسل المجنون فـ رساله =
يشحذ غلا بنت مجنوونه بتغليهاا
هذاا وفوق التغلي تكره وصاله =
من خووف ناسِ تكحلها وتعميهاا
الهجر يقبل علي ولاتعنااله =
واليا قتلنا الليالي صعب نحييها
راحت عليه وعلى اللي طاري فـ بااله =
ان القلووب المريضه ماندااويها
وان الزمن يوم مثّل دور ابطااله =
حتى انه اختاارها فعلا باسااميها
الواقعيه صفه والواقع حثاله =
حرم ذنوب البشر واقفاا يسوويهاا
لا يكثر من النصايح ويغفل حااله =
خل النصاايح تمووت بقلب راااعيهاا
لــ الشاعره : واقعيه
2\ نشّاااااااد
دعاك الشوق ياطيف الغلا ولا الجروح اجداد=
او انك مالقيت من المواجع غير ذا السيرة
تذكّرني عذابي وانتحى لك طايع منقاد=
وتروى من عروقي لين اموت ويالله الخيره
طلبتك خلنى ماعاد جرحي دمعة وسهاد=
كبرت وكبرت جروح الغرام وشان تدبيره
ولانى طفلة تزعل وتضحك للرضا بعناد=
يمرجحها الغرور وغرها الوقت ومقاديره
سرت فعيونى طعون الفراق وخاطرى ماهاد =
بكيت ولا ذبحت البعد والهوجاس والحيرة
انا ياصاحبي غنيت جرحي لين صوتي باد=
اسنّد له طروقي واتعداني محاديره
وانا اللي داعي الاشواق صافحته عنا وجهاد=
ولا حصّلت من وجه الزمان الا مخاسيره
تذكرني او انك جيت يا طيف الغلا نشاد=
وتدرى مانسيته من خطاه اليا معاذيره
سريته لين ماصارت عيوني له مسا ورقاد=
وصار الليل مسرى خوّته والعهد والجيره
احبه وان ذكرته ضاعت بلاد ونسيت بلاد=
ولادري عن مكاني وين انا والناس والديره
كتبه الله لعمري جرح ولغيري كتبه مراد=
وتذبحني ظنوني لاصحت بي جمرة الغيره
يقول انتي واقول انت الغلا ياروح روح ابعاد=
عليك الله وامانه وش يضف الدمع ويجيره
دريت انه لغيري واقتنعت ولابقى مقعاد=
تفارقنا ويامكثر غلاه وكثر تقصيره
خذا كل العمر واقفى بلاعذر وبلا ميعاد=
وانا قفيت ما والله في قلبي سكن غيره
لــ الشاعره: ابعاد التركي
3\ الوكاد اني رميت الخوف
يمه اليوم ارتمى قلبي على كفك ينادي=
هالشرايين اقطعيـها واصنعي منها فتيله
واسمعي كيف انفجر نبضه بعد ماكان هادي=
شوفي الدم انجلى عن صفحة الذل الطويله
يا نظرعيني علامك جبتي ثياب الحدادي=
عِزي اليوم ابتدى يمه وايايدك الكفيله
اذكر انك من شجاعة موقفك كنتي ضمادي=
تشعلين القلب بالقران والنفس العليله
واذكر انك مرة ٍ قلتي : حقيقة هالمبادي=
( شجب) و( استنكار) و( استعطاف) والفـاظ ٍ هزيله
كلها ما ترجع لقدس العرب حق ٍ يرادي=
ما يجي والخوف من صهيـون نعْـلنه بدليله
الوكاد اني رميت الخوف والتاريخ زادي=
وابجديات الحذر ما تنفع قلوب ٍ ذليله
لي مع الامجاد ذكرى والشهاده والجهادي=
في( صلاح الدين) و(اللي شاف تمراته ثـقيله)
و( المثنى ) و(الصحابه) كلهم بالنفس غادي=
عزمهم فيني تكوّن والجسم صار الوسيله
ناظريني لا تعديت الحواجز بانفرادي=
وان صمد من جثتي بعض الاثر، يمه غدي له
واسئلي ذيك البقايا كيف مزّ قت العوادي=
واسئليها عن مماتي وارسمي لوحه جميله
وش بقى دام العروبه تعتبر هالوضع عادي=
وش بقى دام القضيـه في نظرهم مستحيله ؟
لــ الشاعره: سميره العبدالله " طيوف "
4\ حرام أبكيك
تخيّرت الفراق ورحت غادي=
على غفله .وتماديت بودادي..
مشاعر صادقه صاحت بحسره =
حسافه .والذي سوّا العبادي
حسافـــــــه اني وفيت بكل حسّي =
وعدّيتك. ذخر وقتي وعتادي..
حسبتك لو يجور الوقت ساعه =
عليك اقبل. ودمعي لك ينادي...
واثاريك بودادي كنت جاهل=
وصبت ظنون كانت باعتقادي..
تخيّلت الليالي دون وصلك=
كئيبـه. مايوصفّها مدادي
شجوون. وويل .ليعات. ومـآسي=
واثاري الوقت دونك شي عادي!!!!!
على فرقاك كم هلّت مدامع.=
على فرقاك. واصفقت الايادي..
نديمي..كنت وانت اليوم جافي=
غرامٍ مات .في لحظة عنادي..
دخيلك هاك كل اللي بكيته =
وشوقٍ ذاب ..من صدّك وكادي ..
على فرقاك ولو تبكي عيوني=
.ولو بالويل نادى لك فؤادي ..
حلفت اسقيه من كاس التجافي=
مدامك خنت ..وابديت ابتعادي..
حسافه اذكرك..ياناسي الموده =
وحرام ..ابكيك...ماتسوى حدادي
لــ الشاعره: ريانة العود
5\ ماضي أحزاني
سنة مرت على غدرك وحبك في وسط صدري"=
"سكنّي من زمان بعيد ولا صديت لاقاني
أنا والله سامحتك وجرحك توّه ابيبري"=
"ولكن مرت الذكرى وهزّت كل وجداني
نزفت كثير من جرحك وزاد النزف في شعري"=
"أحاول أكتم أنفاسي .. يفجر شعري بركاني
في نفس الليلة كنت أبكي وعني انت ما تدري"=
"هناك بعيد كنت انت معاها تخيط باحزاني
أنادي بصوتي المبحوح لين يبان لي فجري"=
"ويكسر عيني شعاعٍ يبيّن ظلمك الجاني
أحاول أغفي وعيوني بتجبرني على سهري"=
"أنا مليت وما ملّت تناظر طيبك الفاني
تخيلتك تسامرها وأنا مشتعلة في جمري"=
"تخيلتك تناظرها وتغنيها بألحاني
وذكرت إني في يوم مر امنتك على عمري"=
"وانك يومها رديت أغلى شان اهو شاني
توقف عقلي تفكيره وزاد بداخلي قهري"=
"أنا خدعة أنا كذبة أنا ما أظن تهواني
أنا ضحيت بسنيني ورميت الطيب في بحري"=
"لأن ادري ابتجيني يوم تبكي واترجاني
وجا هاليوم وجيت انت بذلّك تستمح عذري"=
"وأنا رديت بغرورٍ .. مات اللي تناساني
ولكن ما قوى قلبي يصدّك يا بعد عمري"=
"قبلت أعذارك وحاولت أنسى كل ما جاني
طويت الهم وأحزانه .. نسيت الماضي وغدري"=
"خذيتك بلسم لجرحي تطيّب ماضي أعياني
وهذي هي سنة طافت وجرحك توه ابيبري"=
"تمر ذكري تعذبني وتنبش ماضي أحزاني
لــ الشاعره: بشاير الشيباني
هذا قليل جدا جدا
ولكن فـ ضلت طرحه كـ دليل وان اردتم المزيد
لن اقصر بـ أذن الله
ويوجد الكثير من روائعهن وروائع غيرهن
الساحه الشعريه كـ أي ساحه تجد بها الاقلام الناجحه الصادقه القريبه لـ القلوب والاقلام الفاشله او الضعيفه التي تحتاج لـ الوقوف لـ جانبها وحثها على الافضل كي تصل لـ اولى درجات النجاح فـ يصل فـ مابالكم بـ انسان ناجح لايجد لـ من يشجعه ويطلب من بـ المزيد !! من غير اي شك سوف تموت موهبتــه !! الى ان يصل من يقدرها ويحترمها
بعد هذه الكلمات ..!؟
هل سـ ترحب بـ المرأه ايها الرافض !! وتفسح لـها المجال وتستمع اليها !!؟
دمتم بـ خيـــر
تحياتي لكم
المستحيــله ..